رد: شاركنا في اجمل بيت من الابوذية
 

متت عطشان بس كبري .جنه الماي
اعلروحه بيوم عافاني . جنه الماي
بيه الموت سالفته. بجفي الماي وشلته
بين اجروفه خجلته. توسل بيه ما ضكته
لحكني اوكوه رجعته. درس بالعزة علمته.
انه العباس من صبري جن الماي
وشمر روحه النهر من بين اديه ....
لشاعرها مصطفى المياحي

رد: شاركنا في اجمل بيت من الابوذية
 

من ميسان الابداع
وشاعرها المرحوم .
سعد محمد الحسن

وطه روحه
جبل بس الخواته وطه روحه
فداهن دم ركبته وطه روحه
بحث بالخوة عنده وطه روحه
هناك اتناقشت بالغاضرية ..

رد: شاركنا في اجمل بيت من الابوذية
 

كَـبل حسـين للــزهـــرة طفلهه
وينور اسنينهه الماشع طفلهه
ميت مــن وكــع شافـت طفلهه
تدك اعله الضلع صبح ومسيه

بقلم /الشاعر محمد هاشم الحسناوي

رد: شاركنا في اجمل بيت من الابوذية
 

ضوكني الوكَت كل ساع زهره
عكَب عينك يبويه ادكَول زهره
جنت ابيت حيدر دوم زهره
ذبلت ابيوم من هدوا عليه
بقلم الشاعر/ محمد هاشم الحسناوي

رد: شاركنا في اجمل بيت من الابوذية
 

نكسر ظلوعنه ونفتح صدرنة
وتشوف الدنيا من ياهو انصدرنة
احنه رباة ابو مؤمل صدرنة
وابوهاشم القائد للمنية
بقلم الشاعر سيد علي الموسوي