منتدى جامع الائمة الثقافي - وصية ام لابنها زائر الحسين عليه السلام

منتدى جامع الائمة الثقافي (http://www.jam3aama.com/forum/index.php)

- منبر الشعر الشعبي والقصيدة الولائية (http://www.jam3aama.com/forum/forumdisplay.php?f=53)

- - وصية ام لابنها زائر الحسين عليه السلام (http://www.jam3aama.com/forum/showthread.php?t=20095)

وصية ام لابنها زائر الحسين عليه السلام

((وصيَّة أم))

****

أوصَيك // بعد روحي ومهجتي يمَّه أوصَيك

ييمَّه من تطب صحنه أوصَيك

لتخيِّبه الظني

زور نيابه عنّي

******

بكَلبك خادم وروحك أريدك

تمشي أله زاير رايه بيدك

عله حد صحنه لوكطعوا وريدك

تكَلّه آنه وأمّي أنظل عبيدك

** ترد من كَبته يمّه طالب مراد

** الحد الموت منعوف ابوالسجاد

أخذ وياك ونّي

زور نيابه عنّي

******

ربيت وآنه ربّيتك عله خطاه

أريدن تبقه روحك عايشه وياه

أبو السجاد والله حلو ملكَاه

وأنخه بجه أخيَّه لمَّه تنخاه

** يمينه عله يمينك تكصد الحور

** يبني ومن تردلي ترد مسرور

يل ربّاك حظني

زور نيابه عنّي

******

أكَصد للحسين بدمع عيني

عله شبّاجه أوصفله حنيني

اذا ماأوصله نوره يجيني

اعتقادي هذا ثابت وبيقيني

**حليبي ألّي رضعته يدر بسمه

** بكّلبك ياحبيبي نور رسمه

أخذهه الروح منّي

زور نيابه عنّي

******

أريد أمشي سبيَّه ويَّه زينب

على ظهر الهزل ونشتم ونسب

وأشد الحيل بيهه وخلّي أتعب

أريدن كّلبي ويَاهه أيتعذّب

** وبيوم أربعينه أرجع سبيَّه

** أريد أم الحزن ترضه عليَّه

أمشي بظهر محني

زور نيابه عنّي

******