منتدى جامع الائمة الثقافي - سيد الجمعة .. قصيدة شعبية

منتدى جامع الائمة الثقافي (http://www.jam3aama.com/forum/index.php)

- منبر الشعر الشعبي والقصيدة الولائية (http://www.jam3aama.com/forum/forumdisplay.php?f=53)

- - سيد الجمعة .. قصيدة شعبية (http://www.jam3aama.com/forum/showthread.php?t=6428)

سيد الجمعة .. قصيدة شعبية

من وحي الجمع اسسنه ثورات
وبسمك يا صدر شدينه الحزام
ومفروض على حبك سيدي انموت
لئن حبك ضروره بحكم الأسلام
وبس كبرك قليله اتشيده الناس
تبني الخطوتك لازم مــقام
ولئن نحرك فديته ولدك ثنبن
تحت كبتك موقصر لازم تمام
وجم خيبر قلعته بكلب الأنصار
وتحول جسر ضد النضام
سحكنه بزود جدمك مبدأ الخوف
بوكت عادمهه الشمس حبل الضلام
حسينه بنعمتك من فقدناك
يا حصن الشريعة وحضن الأيتام
يضل ذكرك سبب دكات الكلوب
وعلى كلمة (حبيبي ) عيونه تنام
ولئن بس بالمنام تشوفك العين
تمنيت العمر يتبدل أحلام
ما وصفك حرت ممكن سوأل ؟
اذا متنك بياض بصدرك اشضام
جن يوم الطفوف بيومك انعاد
ويتامك سبوهه وحركوا خيام
بعدك ياصدر ويانه لليوم
وبعدهه بكوفتك اَثار الجدام
ونسولف بعدنه بذيج الأيام
هنا جان الصدر من يلبس احرام
ايامك ياسيد صعبه تنزال
لازم من تزول اتزول الايام
واَخر ما نكلك ياصدر مشكور
أبنك تركته وجيش الأمام
كلمـــــــــــــــــــــــــــــــــات
مُصَّـــــــــــطَفَىَ الْصّـــــدُرِّيٌّ

رد: سَــــــــــــــــيَدَ الْجَمَّــــعّةٍ

يا حسين العصر ردت عليك اطفوف ***وسيوف ورماح عليك ملتمه
رادو تنذبح شافوك نور الله ***والنسخه الوحيده التشبه اليمه
ظنهم لو طحت درب الفضيله ايموت ***ما يدرون كله امسجل بأسمه
لأن مثل الصدر تدعى الرجال ارجال ***مو كل الرجال ارجال تتسمى
تاهو بالظلام وانته كلك نور***والتاه بطريقه ايدور النجمه
وبالكوفه الشمس شوفتها ترس العين ***والخفاش راح يعاشر الظلمه
اوصفه بيا وصف والكمر انا ادريه ***يشعر بالنقص لو عاين الرسمه
بعد كلمة حبيبي اتطوف فوك الناس ***لشفاف اليتامى توزع البسمه
معقوله اصدك ميت وكل يوم ***بالمحسن اشوفه ويشهد الحكمه
معقوله الله كاتب عده كل حسين ***لا بد ينذبح من يصلح الأمه
لكن صدكت لمن شفت الاسلام ***عطشان ورواه الصدر من دمه
يا نور الرسول وعطر داحي الباب ***تتمنى الجنان بيوم تشتمه
يا سفان الفضيله الذلل الطوفان ***وابحر للكمال ابزود وبهمه
يا قمة علم والزهد والاخلاق ***والعز والشرف والفخر والحكمه
أظن رب العرش من خلق هذا الكون ***جاب الصدر يمه وفصل القمه
يالمصحي الضماير من سبات النوم ***ومخلي الرجال ابشرف متحزمه
احبك مو بدي جنيت من فركاك ***بس العيون وكحه وما رضت تعمى
عاشك عشك صوفي وعفت كل الناس ***والزاد الصدر والشرب والنسمه
تعدون الايمه اثنعش معصومين ***جنت اتلطعش من احسب اليمه
ما اريد الملامه وخلني احجي اليوم ***كلمه وفسر انته بكيفك الكلمه
بسواده على البياض تآمن الشبان ***بس هذا الامر من يكدر يفهمه
مو قصدي اكلك عالصدر معصوم ***بس بيه اعتقد تتشرف العصمه
اسم الله اعلى جفه وبيه ختم مختوم ***يا جف غير جف الصدر بيه ختمه
من مثل الصدر لم جفه وكت البوس ***لكن ما بخل عاليسأل ولمه
من مثل الصدر بالورع والايمان ***أو يملك صفاته ووكفته وعلمه
جن صرخة وحي والكوفه صارت غار ***انهض يا محمد فزز الأمه
نادى على الصلا والجمعه جف اتصير ***يصفع كل هبل عالكاع ويهدمه
أنهض يا صدر مو هذا وكت النوم ***محتاج العراق تساعده ابهمه
أنهض يا صدر جتنا الليالي السود ***خل مصباح وجهك يكشف الظلمه
نفس الوقعو من راد يغتالوك ***باعو هالعراق وداسو النعمه
يا حيدر علي ترضى العمامه اتطيح ***وانته بأيدك ملبسها هالعمه
يا حوزة علي انغدر صدرالدين ***باجر يا عذر للمصطفى يقدمه
أقسم يا صدر كلمن وكف عاداك ***غلطان ابابوه وخل يرجع الامه
جميلــــــــــــــــــــــــة جداً
بوركت

رد: سَــــــــــــــــيَدَ الْجَمَّــــعّةٍ

شكرا لك اخي ابو على على مرورك الجميل والقصيدة الجميلة وفقك الله لكل خير

رد: سَــــــــــــــــيَدَ الْجَمَّــــعّةٍ

احسنت اخي وفقك الله تعالى
قصيدة رائعة ننتظر جديدك
ببركة محمد وال محمد

رد: سَــــــــــــــــيَدَ الْجَمَّــــعّةٍ

[frame="1 98"]وعلى كلمة (حبيبي ) عيونه تنام
ولئن بس بالمنام تشوفك العين
تمنيت العمر يتبدل أحلام
[/frame]

[frame="15 98"]
جميل ورائع ما نطق فمك بهذه الكلمات
اتمنى لك الاستمرار ببركة محمد وال محمد
[/frame]

رد: سَــــــــــــــــيَدَ الْجَمَّــــعّةٍ

أحسنت أخي الغالي على هذه الكلمات الرائعة بحق الولي الطاهر
وفقك الله لكل خير وثبتك على حب ونهج المولى شهيد الله

رد: سَــــــــــــــــيَدَ الْجَمَّــــعّةٍ

شكرا لكم اخوتي الاعزاء على هذا المرور الجميل وفقك الله لكل خير