|
عاشوراء الحسين "ع" .... قصيدة
( الحسين مصباح الهدى وسفينة النجاة
قصيدة بحق الإمام الحسين ((عليه السلام)) على راس الرمح من راسك أنشال ** أبد مو صدفه كانت جتي بحســاب حتى تظل على الكل شامخ الراس ** يل نلت الحيـــاة وموتك أسبـــــاب مو ميت أكــول ويخسه من گـال ** فوگ الألف عـــام وذكره ماغـــاب بجنحين القصيــدة حلقت بيــــك ** ومن سمعت بأسمك مرت أسراب أسراب من القـوافي رايدة تنـول ** شرف خدمة مقامك بأبسط أسباب بقى دين الرسول بدمك الســـــال ** وأهل بيتك وطبعاً بعض الأصحاب يالمرجف السيــف بثورة دمــــاك ** وبقواطعهم بدمك راسم أنگـــاب بطرف عيني من أذكرك دمعة أيتام ** ومثل معضد عليك أجتمعوا أحزاب بعاشور أحنه نصبح مأتم چبــير ** وكل عام أيتـزايد عدنه المصــاب يحل بينه الحزن نتوشح بليـــــل ** وتغيـم عيوني آآآآه وتمطر بـــآب شما يحصل أبد منعوف الحسين ** وعلى دربك نظل لو گطعوا رگاب نفوت أحنه بطريقك لو جمر صار ** مثل خيط بثقب راس أبره ننـساب رفضت الظلم أنته وگتله هيهات ** مثل سيف وخرج من حضن الگراب ماهزك كــــــلام ولاحرب يــوم ** أشتظن الجبل يهتز بالهوه الهـاب رغم أنف الطفاة بكل الأزمـــان ** بقى أسمك شمـــوخ وذكرك كتاب ينذل ويمـــــــوت الحاربك دوم ** وتظل رمز الإبــــاء الأهل الألبابi (( كلمــاتي / محـمد العَـــلوي البغدادي |
رد: عاشوراء الحسين "ع" .... قصيدة
نفوت أحنه بطريقك لو جمر صار ** مثل خيط بثقب راس أبره ننـساب رفضت الظلم أنته وگتله هيهات ** مثل سيف وخرج من حضن الگراب احسنت اخي على الكلمات وفقك الله تعالى للمزيد |
رد: عاشوراء الحسين "ع" .... قصيدة
اللهم صل على محمد وآل محمد وعجل فرجهم والعن عدوهم
بقى دين الرسول بدمك الســـــال ** وأهل بيتك وطبعاً بعض الأصحاب كلمات جميلة موفق للمزيد اخي ابو باقر العلوي |
رد: عاشوراء الحسين "ع" .... قصيدة
موفق على هذه الكلمات اخي العزيز
|
رد: عاشوراء الحسين "ع" .... قصيدة
يحل بينه الحزن نتوشح بليـــــل ** وتغيـم عيوني آآآآه وتمطر بـــآب
كلمات جميله وبداع متواصل وفقك الله الى خدمة الحسين ان شاء الله |
| All times are GMT +3. The time now is 07:46 PM. |
Powered by vBulletin 3.8.7 © 2000 - 2025