![]() |
هواجس عمري ( للإمام الحسين "ع" )
هواجس عمري .... بين الجمر والجمر _ وازتني أجت دنيتي وخلتني كاغد ورق _ والنار تفتر عليّ _ چي شرّعت طيبتي آنه المشيت بدرب _ ما تنعرف حالته _ بليل وضباب الدرب _ بس بحذر خطوتي فكيت عيني الزمن _ السنبل الممتلي _ متواضع بكل أدب _ والفارغ ابلا أدب _ متعلي عالماكو شي _ وساكت لجل حنطتي وإعلان بي قرروا _ منريد بلبل بعد _ وبي يتموا شجرتي ورادوا يموت الورد _ من كل فراشة انمنع _ وظلت تــوّن ديرتي حزنان عدنه الهوى _ ومن گد ثگل حسرته _ بالگوه طب ريتي وكلما تمر أشهرك _ وي دمعتي آنه اذكرك _ وتتعاظم امصيبتي مذبوح وبلا ذنب _ ومسبيه كل عِيلتك _ شترجة من دنيتي يومية نفقد شمس _ بالمغرب وتنذبح _ ويرتفع صوت الحزن _ وتكبّر المأذنه _ ويكبر حجم شهگتي الله على حالتي شمعة وشفتهه بصبر _ بسكـتـة وتقاوم ليل _ وطوّل الليل وقسه وبكل صلافة نفس _ ياكل عمر شمعتي _ الله على حالتي أيام أعيش بهضم _ وأيام أعيش بعسر _ وما بــين هاي وهذن الفرحة كلمة برمل _ وبأول هبوب إنتهت وين الگـه أثر بسمتي _ ماتت بعد ضحكتي كلماتي / محمد العلوي البغدادي |
رد: هواجس عمري ( للإمام الحسين "ع" )
الهم صلي على محمد وال محمد وعجل فرجهم والعن عدوهم
احسنت جزاك الله خيرا |
رد: هواجس عمري ( للإمام الحسين "ع" )
كلمات جميلة موفق اخي الكريم
|
رد: هواجس عمري ( للإمام الحسين "ع" )
اللهم صل على محمد وال محمد وعجل فرجهم والعن عدوهم
عظم الله لك الاجر ووفقك الله لكل خير |
رد: هواجس عمري ( للإمام الحسين "ع" )
احسنت اخي محمد العلوي على كلماتك الجميلة
|
All times are GMT +3. The time now is 11:30 PM. |
Powered by vBulletin 3.8.7 © 2000 - 2025