منتدى جامع الائمة الثقافي - ايد بائيد يله ياعراقي

ايدك فوك ايدي ياعراقي
ماكو تفرقه وهذه اتفاقي
وحده انادي وحده*****شعب نهديله ورده
ماكو تفرقه وهذه اتفاقي
@@@@@
مـاكـو تفرقه وكلحنه اسلام
يله ياعـراقـي شـد الـحـزام
لوصفينه كلنه نشيل الاعلام
مـايبقه ظـلم مـايـبق اجـــرام
نشد الحيل بينه*****والطايح نعينه
جاعشنه ابمان وطن راقي
@@@@@
ونـوحـد شعبنه ونـزرع الـخـير
هاذه احسن قرار وغيره ميصير
حـجـاهـه مقتدانه وبـيهه تـفـسير
حـته الـي يـضـدنـه بـاجـر يـحيـر
سالم ياوطنه*****ياشمهة اهلنه
عاهدنه الشعب والعهد باقي
@@@@@
هـذه ابـن العـراق وزوده معـروف
شهامه ومرجله وبالغيره موصوف
واضـح بـالـكـلام ويحجي مـكشـوف
وحـد كـل شعبنه وصـف الـصفــوف
هذه ابنك صدرنه*****وحد كل شعبنه
عالمني الشجاعه وشد نطاقي
@@@@@
تايه هالشعب ويريد خيال
مثلك مقـتده ياعـز الرجال
خـادم للشعب ويغير الحال
لازم هالحقيقه اليوم تنكال
قائدنه وشرفنه*****بيك احنه افتخرنه
هذه مطلبي ومنه انطلاقي
@@@@@
الشاعرالحسيني
ابوفزع الحلفي