منتدى جامع الائمة الثقافي

منتدى جامع الائمة الثقافي (http://www.jam3aama.com/forum/index.php)

- منبر الشعر الشعبي والقصيدة الولائية (http://www.jam3aama.com/forum/forumdisplay.php?f=53)

- - حلـــم الوطــن (http://www.jam3aama.com/forum/showthread.php?t=14770)

حلـــم الوطــن

لا تحلم بعد ياموطني ارجوك
حلم ليلك يفسره الصبح تفجير
وطيورك بعد لا تأمل اطير
لحن تفجير تسمع مو عصافير
وعلى اطفالك بعد لا تبني الامال
مكابر يا وطن آمالك تصير
بصبح غيرك وطنه إطير الطيور
بس انته جثث من صبحك إطير
مكان الموت دوره هواي موجود
تلكه اجم حلم محتاج تفسير
وتلكه اجم وعد مايقبل ايموت
لئن حر الي عافه شلون ميصير
عدوك اني اطلعه اشوكت ما تريد
بس احميلي ظهري من النواطير
امس جانو امس ما اذكر اجان
خايف من اذكره ايزعل الغير
ولو بالساني جمره اشجانو هناك
وبكاعك وطنه تعافه عالخير
محتلك طلع بس عندك اليوم
ظمايرهم بعد تحتاج تحرير
وبنك طلعه هذا الظامه اليوم
وصل يومه شبعد محتاج تاخير
شعجب موتك يفرق ناس عن ناس ؟
يركض عالفقير ويترك الغير

مصطفى الصدري

رد: حلـــم الوطــن

اللهم صل على محمد وال محمد وعجل فرجهم والعن عدوهم
ابداع دئماً اخي يا رحمة الباري
موفقين

رد: حلـــم الوطــن

اللهم صل على محمد وال محمد وعجل فرجهم والعن عدوهم

اقتباس:

بصبح غيرك وطنه إطير الطيور
بس انته جثث من صبحك إطير

الابداع عنوان لا زال متشبث بك عزيزي مصطفى الصدري
شكراً لك

رد: حلـــم الوطــن

أحسنت وجزاك الله خيرا
شاعرنا المتألق
على
القصيدة الرائعة
والصور الشعرية الجميلة

رد: حلـــم الوطــن

مروركم الجميل اخوتي الاحبه