أم الشهيد : على لسان حال ام الشهيد

يمه استاحشيتك من أجاني الليل --- البيت ابلاية طبتك والله ما ردته
ظلمة المگبرة وديرتها ما تنعاش --- ونورك من حلاته الشمس عاشگته
أحتفلت بمولدك من قبطت عشرين --- أمس يمه وشموعك بيدي شاعلته
يريت الموت اخذني من خذاك وياه --- ولا اشوفن عزيزي بعيني فاتحته
المدينة التفتخر بسم الصدر عنوان --- لفاهه الموت أمس او مشّه راحلته
ولدنه إعله المناية وشيلت التابوت --- تربّوا من زغر وثيابه لابسته
يمه وما رضوا منعوني اشوفك جيت --- گالوا محترگ ما تنعرف جثته
غشمه وما دروا عالريحة اجيك زحوف --- وحتى ولوني عمية وليدي عارفته
ييمه الفجرك بيمن يطلبك چان --- وانته ولا بشر فد مرة زعلته
كبّرتك بديه ولحظة لحظة اتناك --- رجيت اتلم كبرتي وتالي فارگته
الهوه ما اطيق اشمه اخلافك وما اريد --- كلشي بهل العمر من بعدك وعفته
بقيت الموت اتاني وبس اشخط ايام --- عگبك كلشي ضاع وعمري ضيّعته
صبح درب النجف سـچـه بكثر ما روح – عمت عيني عليك ودمعي فحطته
اشم بثيابك آنه وصورتك بالعين – وأنشغ والبواچـي ويايه فاگته

( من شخابيط قلمي )