منتدى جامع الائمة الثقافي

منتدى جامع الائمة الثقافي (http://www.jam3aama.com/forum/index.php)
-   منبر الشعر الشعبي والقصيدة الولائية (http://www.jam3aama.com/forum/forumdisplay.php?f=53)
-   -   حل وكت البجي للصدر يا عين (http://www.jam3aama.com/forum/showthread.php?t=22521)

ابو الطيب 20-08-2015 11:15 PM

حل وكت البجي للصدر يا عين
 
قصيدة في رثاء السيد الشهيد محمد الصدر ( قدس ) بعد استشهاده ابجي اشكثر ما تبجين ** حل وكت البجي يا عين
مرخوص البياض اطيح ** مو بس بالدمع تبجين
ويستاهل سواد البيج ** لو طاح وعليه تعمين
صح ماتوا اعزاز اهواي ** بس مو مثل صدر الدين
صدر الدين ذاك الجان عز للدين** ويبقى لهذا اليوم عز للدين
يحجاية تصحي النايم اعلى الضيم ** ويعيون التوالي اعيون المتيهين
يا ينبوع خوض ويهتز ضميرة بنار **يا غيرة ومراجل يا كفوا ونعمين
فداء المذهبك كلبك حقل الغام ** حاضر للعدوا يتفجر بكل حين
بسمانه اشيضل يوميه نجم ايطيح ** ينجوم الولاية اشعدكم امغربين
يهيبه للعمايم مايصح تمشون ** كلكم فرد مشيه واحنه محتارين

المنابر فرقة ونسمع خشبها اينوح ** يل جنتم عليهن دوم مصدرين
ويا كاع النجف هنيالج بهل الطيب ** ويوميه مسج بترابج اظمين
ويوميه بكزازة عطر نتعناج ** بسج ما كفاج اشكثر تتعطرين
وما جنهن جنايز والجفوف الشيل ** جن هودج يمشي بزفة امعرسين
يا صافي الذهب يا صفوة التيزاب ** يالمفكود يا عيار اربع وعشرين
ياحلم وعلم يا ورع يا ايمان ** يا تقوى وعدل يا طاهر التكوين
يالمذهبك شيعي ومعدنك معروف ** ويطبق عليك الكالة ابوا الحسنين
مشيت ابيض وجه وامحالل وموهوب ** يل ماخذ صفاتك من صفات حسين
متوضي ابعصاتك واطهر من الماي ** يل ناكت ثيابك من حجي الموزين
انهجم بيت المنايا اشلون جفه يلوح ** وتخير اخياروتاخذ الطيبين
موتك يا صدرنا ايهز حشايا الروح ** وتوجر جمرة بكلوب المحبين
محرابك يون وخالي مصلاك ** فارق ظل يون بيوم صار البين
اذا غاب الصدر ابمقتدى مصدرين ** اذا غاب الصدر ابمقتدى مصدرين


ابو بتول 21-08-2015 02:46 PM

رد: حل وكت البجي للصدر يا عين
 
اللهم صل على محمد وآل محمد وعجل فرجهم والعن عدوهم
أحسنت أخي العزيز على هذه الكلمات الرائعة


الطالب 21-08-2015 04:13 PM

رد: حل وكت البجي للصدر يا عين
 
اللهم صل على محمد وآل محمد وعجل فرجهم والعن عدوهم
احسنت النشر اخي العزيز

يا رحمة الباري 21-08-2015 11:55 PM

رد: حل وكت البجي للصدر يا عين
 
احسنت اخي كلمات جميلة وفقك الله لكل ماهو جميل

الناطق 22-08-2015 04:00 PM

رد: حل وكت البجي للصدر يا عين
 
اللهم صل على محمد وآل محمد وعجل فرجهم والعن عدوهم
أحسنت على هذه الكلمات الرائعة




All times are GMT +3. The time now is 08:49 PM.

Powered by vBulletin 3.8.7 © 2000 - 2025