قصيدةبحق السيدة زينب للشاعر السيد عبد الخالق المحنه
 

بسم الله الرحمن الرحيم اللهم صل على محمد وآل محمد وعجل فرجهم والعن عدوهم

جنها زينب هاي بت حامي الدخيل بس عجيبة نشوفها بلاية اهل : كون اخت عباس تركب عالهزيل يعنب ياستار عباس انجتل

هيه زينب هاي عالناكَه وتميل ومن تميل الريح يسندها بخجل:بيهه هيبة حيدره وزعل الجفيل وبيها صبر حسين لاح ويا الزعل

والعجيبة شلون يحديها الغريب وانا اعرف زين باطباه الكفل:وجنه راس حسين هذا على الرمح وهذا ياسيف الذبح خير العمل

وين سبع الكَنطره وسبع الطفوف اشصبر الراس على رمحه وما نزل :ابعينه من شاف الشمر سوطه يلوح ابمتن زينب جيف عباس احتمل

يعني هاي ام الخدر زينب اكَول يعني اهيس لاخدرها ولا اهل:يعني لاجفالها يلوح الجفوف ولا ابو الحملات من صاحت حمل

يعني ضلت بين جتال الحسين وبين سلاب الربى بحضن الفشل:بس على عناد الوكََت واشما يجور ماتهبط راسها اربات الفحل

هيه زينب مايغيرها المصاب ان جان عالناكَه اوفوكَ الجبل هيه زينب هيه زينب

والسلام عليكم ورحمة الله وبركاته

وعليكم السلام ورحمة الله وبركاته وجزاك الله خيرا على المشاركة ورزقك شفاعتها

شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية .

وفقك الله أخي الغالي
وجعلك من الآخذين بثأر العقيلة زينب يوم ينادي المنادي
يا لثارات الحسين

رد: قصيدةبحق السيدة زينب للشاعر السيد عبد الخالق المحنه