|
قصيدة بحق الأمام موسى ابن جعفر
[center]يا باب الحوائج والحوائج فيض
لكن فيض جودك اعظم واكبر يا مسجون اصبح شعله للثوّار يا اعظم مثل للراد يتحرر يا اصعب درس للقيد من يكون اسهل من ورق بالماي يتكسّر يا ملجأ دموعي بزمن كلّه دموع اتكسّر قطع وبابك اتجبّر ما اعرف شوصفك انته عندي هواي امامي انته وصديقي العنده اضم السر ما اكدر اعزّي وليش اعزّي الناس موجود انته أحسّك بالكلب تفتر تاخذ دمعة امي وكل كلب مهموم يا مركز اجابة دعوة المظطر شاهدنه الجسر يا سيدي ومولاي مثل مجلس شهاده والجسر منبر تتقاطع حروفي والشعر معذور يا صورة شعر من صورتك اكبر لذلك عجز شعري وخاني التعبير واجت ليك القصايد تمشي تتعثر يا ذكرى ...... وأذكرك اني ما ناسيك ما محتاج يوم برجب واتذكّر بس عندي طلب يا للحوائج باب تذكر من يحبك ساعة المحشر وتشفع لليحبك عد اله الكون يفرّج من همومي برحمته الاكبر [/center] |
بوركت أخي
جعلها الله في ميزان أعمالك وقضى الله حوائجك بحق باب الحوائج |
السلام عليكم ورحمة الله وبركاته موفق بإذن الله ... لك مني أجمل تحية .
|
بسم الله الرحمن الرحيم
السلام عليكم ورحمة الله وبركاته يابـاب الحوائـج ياسفيـنـة نــوح=جزر حبـك طويـل ويصعـد وي المـد يراهـب بيـت ال المصطفـى الاخيـار=سجنـك صـار جامـع بـيـه تتعـبـد امقيد بالسلاسـل وانـت كلـك فيـض=كلـي ابيـا حديـد الفـيـض يتقـيـد علمـت السجـن كـل المعانـي البيـك=وسجانك جـزع حـد مـا لكالـك حـد كهف الغيض صدرك يل حويت الغيـض=عجيبه اشلون غيـض ابصـدر يتحـدد ابطن الحوت يونـس مـا حمـل ايـام=رغـم ماجـان حوتـه اويـاه يـتـودد وانت اسنين عمرك كضن عـد الحـوت=وحوتـك بالعـذاب اويــاك يتعـمـد يوسف بالسجن والسجن سبـع اعـوام=بـس لمـن طلـع عالعـالـم اتسـيـد وانت اخمسطعش واتجاوزت كـم عـام=تالـي اعلـه الجسـر مسمـوم وامّـدد ايـوب الصبـر بيـه اقتـرن مـولاي=وانـت الصبـر منـك كــام يتـولـد موسى من مصر غادرهه ثمـن اسنيـن=وشوكه للاهل بيـه كـل وكـت يشتـد وانت من الاهل محـروم حـد المـوت=كلـي اشلـون ميـت للاهـل يـنـرد يااطـول سجـود ايسجلـه التـاريـخ=لوعدينـه بيـك ايتيـه بيـنـه الـعـد عدوك شاف قطعه من القصـر عالكـاع=فوك اتراب سجنـه ابكـل وكـت تمتـد شافك وانذهـل مـن جاوبـوه اعليـك=عرف شنهو اليريـده وبيّـن المقصـد ماحدك سجـن والسجـن بيـك احتـار=وانت ابكـل كتـر منصوبلـك مشهـد هارونك تضعضع نـزل لسفـل سـاف=وانت ابرغـم سجنـك عالخلـد تصعـد ياسفـرة الحاجـه وياهـوه التعـبـان=نـارك بالكـلـب هيـهـات ماتـبـرد مثل مدعيت ربك هيجي ندعـي اويـاك=لان سجيـن هارونـك رجـع وانـحـد يل خلصت يونس مـن ضـلام الحـوت=خلصنـه بجـاه المصطـفـى الاحـمـد يمخلـص الجنيـن وهــو بـالارحـام=خلّص هالشعب مـن كـل ظلـم اسـود يل امخلص اللبن مـن بيـن هـذا وذاك=خلّص هالشعب من كـل عـدو اتمـرد جزاك الله الف خير على نشر هذه القصيدة الرائعة |
وأذكرك اني ما ناسيك ما محتاج يوم برجب واتذكّر بس عندي طلب يا للحوائج باب تذكر من يحبك ساعة المحشر وتشفع لليحبك عد اله الكون يفرّج من همومي برحمته الاكبر الاخ الغالي المبدع يارحمة الباري اسال الباري عز وجل ان يكون ما جادت به قريحتك من كلمات في ميزان حسناتك بحق من كتبت هذه الكلمات بحقه سلام الله عليه |
| All times are GMT +3. The time now is 06:43 PM. |
Powered by vBulletin 3.8.7 © 2000 - 2025