منتدى جامع الائمة الثقافي - (عباس هذا اليٍ برز لو حيدرة*****جيش أمية ينوح عقلة محيرة)

اللهم صل على محمد وال محمد وعجل فرجهم والعن عدوهم

(عباس هذا اليٍ برز لو حيدرة*****جيش أمية ينوح عقلة محيرة)

يبو فاضل ****يبو فاضل **** يبوفاضل

من برز عباس ليهم ------- شد عليهم كالأسد

شبه حيدر من يهاجم ------- بترس الجربه ويرد

شافوا بعينه القيامة -------- وهو عباس اليهد

وصارت البيداء حمره ------ وكت ما بيهم حصد

يبو فاضل ****يبو فاضل **** يبوفاضل

من وصل يم الشريعه ------- عاين الماي وغرف

لكن اتذكر اخوه احس ------- ين وعيال الشرف

ما شرب ماي الفرات ------- وطشر السبعين الف

وسفه صابوا قمر هاشم -------- بالغدر دمه نزف

يبو فاضل ****يبو فاضل **** يبوفاضل

ضحه ابوفاضل حياته---------عن يقين ومعرفة

لنصرة الدين الالهي ---------ونصرة ال المصطفى

نعم من ساقي العطاشى--------وعله الذلة ماغفه

منهو ابو كلي يسامع------كلي بيش انه اوصفه

يبو فاضل ****يبو فاضل **** يبوفاضل

سمعت الحوراء زينب ------طاح بالطف الجفيل

نادت بصوت الفجيعة-------ودمعة الحسرة تسيل

وين وعدك يبو فاضل------صار حتى نهاري ليل

بعدك الدنيه مظلمة-------وما بعد يهده الدليل

يبو فاضل ****يبو فاضل **** يبوفاضل

شافت الحرة مصايب----- الكًلب منهه يشيب

عاينت فقد الاحبه------ وشافت الشيب الخضيب

شافت الجفين زينب-----كطعوهه من الحبيب

صبرت عله جره الحرة------والله هذا شي عجيب