موشرط الامـــير ايعاشر ملوك
اكو واحد امــــــير وربعه الايتام
ولابس المــــــلك والعنده عنوان
تره التــــــاريخ خلد ناس خدام
وكو بآلاف لكــــن ما فــعل شي
وكوا بسبـــعين غير وجهه الايام
مو شرط النـــصر مرهون بسلاح
اكو بكلمة حبـــــيبي وهدم اصنام
وكو لحض ولادة ايصــــير له الموت
وكو لحضة مجيئه اتصـــيرله اعدام
وكو صــــــــايم ولـــــكن هو مأثوم
وكو عالنية واحد ينحســــب صام
وكو عايش دهر بس فعـــله لحظات
وكو يفعل دهر بس عايش ايام
مو دوم النظر ميزانه مضــبوط
يصح سيف الوجه بس كلبه من جام
اصعد عالنخل بس حســب بيوم
تنزل للـــــــورد ودنـــــك الهام
مو كلمن يبوك انكصله الجــــفوف
اذا محتاج تـــــنكص رؤس حكام
على نوع البس لاتقيس الايمان
اكو شيطان لابس ثوب الاسلام
ولايهمك مشيته اتسابك الخــيل
اعرفه المطمئن من طبع الاجدام
ولا يهمك عددهم حتى لو زاد
الصفر يكدر يغير كل الارقام
وكو ايسولف عليك وفعله دخان
وكو ساكت بحر ماتعرف اشظام
اذا عالون ابد لا تقــــــيم الناس
الاسود تلكه روحه بلـــون العظام