يا اول شرارة اشتعلت من المــــــــــــاي
ويا صوت الاذان الفجر الجمعـــــــــــــة
ويا صحوة ضماير لو ما صـــــوتك جان
لبست خوفها وما كدرت تنزعـــــــــــــه
يل شلت التقية وي الجفن تابـــــــــــوت
ولا كدرت تقية الصوتك تمنعــــــــــــــه
من مثلك تحزم بالمنيه حــــــــــــــــزام
ومن مثلك جفن يا سيدي درعـــــــــــه
ومن مثلك هدم كل قلعت الطاغـــــــوت
كشف غش الاساس وطاحت القلعــــــه
يا صدر الكرامة شكد قسو ويــــــــــــاك
ورادوا صوت عدلك محد يسمعـــــــــــه
ويا صدر الكرامة شكد شرحت صــــدور
ضاكت بالعذاب صدورها الوسعـــــــــــه
ويا صدر الكرامة شكد مسحت عيــــون
عاميها البجي وسلاحها الدمعـــــــــــــة
ويا صدر الكرامة وبيك صدر الديــــــــن
در كوثر كرامة ورادوا اترضعــــــــــــة
ويا صدر الكرامة وبيك حـــــــار الحوت
من نشفت مايه وخلخلت وضعــــــــــــة
جان الحوت يبلع كلمن يمر بيـــــــــــــه
وهسة الوحدة وياهو اليجي ايبلعــــــــه


الشاعر ناظم الحاشي