24-12-2014, 08:23 AM
|
#1
|
|
|
والله بتلينه بهل المحن
(والله بتلينه بهل المحن) ((كعده))
***********************
والله بتلينه بهل المحن ** أرهاب مالي للوطن
تسليب تفجر وذبح
مانخسر بدمنه الربح
والله بتلينه بهل المحن
****************
راسك ارفع ياعراقــــي ** للعله فوك النجــم
وملي صدرك بالنسايــم ** طيبها الحريه شم
الخوف خلّه يروح عنّك ** فخر يكفيك الاسم
وشݘم حضاره ألّي نبيت
دجله وفرات الهن روت
نشرت علمها وعلمت
بالكفاح وبالسلم
لوشيعه والسنه وكرد **جف واحد المحنه ترد
وباجر يبيّن الصبــــح
مانخسر بدمنه الربح
***************
خوش خوّه حاوطونه **سوداني مصري أردني
انجمعت علينه الشراذم **سوري سعودي ويمني
فرحه عدهم موت اهلنه ** هاي شيمة كل دنـــي
مابيهم الحافـــظ هله
مو من شيمهم مرجله
موكافي هاي المهزله
موت وخراب بوطني
ماهمّه لوطاح السبع ** هيبه يظل ماينجــرع
ونصير أله ضلع وجنح/
مانخسر بدمنه الربح
****************
أرد أسألك يالارهابي ** عله يامذهب وسنّه
انته بينه اليوم تذبح ** وتعلن أمدافعك عنّه
بهذا ماوصّه نبينه ** وهيج مانعبر المحنه
متگلي هذا بياضمير
للموت والباطل سفير
بالذبح صايرلي امير
ليش مو أهلك اهلنه
گلي يفاسد شقبضت ** بدمنه ولحمنه تاجرت
مانقبل وياك الصلح
مانخسر بدمه الربح
************
اگعد شويّه وي روحـــــك ** والنفس حاسبها لحظــــه
وگول هذا ألّي أفجـــــــره **شراح يربح وآني شحضه
ليش اخطفه وليش اذبحه **وليش آنه اغتصب عرضه
ماأظن انته من البشــــر
أو لاحتّه ساويت الحشر
شيطان انته لو أشّـــــــر
ونفسك ابهل العمل ترضه
بعدين شيفيد الندم **لو بالحكم خط القلم
اليوم دمــــــك ينسفح
مانخسر بدمنه الربح
****************
اشتگل لله من يشوفك **أمفجّر عظامك ولحمـــــــك
وذوله اصحاب المصالـــح ** أتاجر ابدمي ودمـــــــــــك
حروف كل أسمي علــــــي ** وعمر خلي حروف اسمك
العقل ألنّـــــــه الله وهب
يعرف الصادق والگذب
طينتي من معــــدن ذهب
وأنتـــــــــه روح أسألها لمّك
لونفسك اتصبها ذهب ** ماتدري ابيّك والنسب
لاتتعب وياهــا وتلح
مانخسر بدنه الربح
************
هاي يامجرم افعالك **والله موفعل العقيده
سالت دمانه الزكيه **نعرفه اللطحت أيده
رجعت ايام السقيفه ** العلي گالوا مانريده
مثل ابو موسى الاشعري
والاصل جان الســــامري
أفخر مذهبي جعفري
والعضيد بصف عضيده
أحيا وموت بحب علي **وبحبه كل هم ينجلي
ويداوي گلبي المنجرح
مانخسر بدمنه الربح
|
|
|