[align=center][/align]






يالكلبك علينه،، بعينك جم سكينه
عاشت بيهه خوفه
من حجيك يزعلون ،، يابن الصدر يردون
تسكت عالتشوفه
غيرك ياهو يكدر ،، وحدك عشت حيدر
حيدر دنيه بس ياهو السكنهه ..

ياهو ايشيل دمعك ،، وياليل اليسمعك
قصتك والله قصة
ناسك وبمحنتك ،، توزعلهم فرحتك
وكلبك ماله حصه
حيدر فوك ضهره ،، جان ايشيل فقره
وعلى احلامك ياسيد شلت الايتام ..

يمك دهب يحجون ،، والغيرك يروحون
اذا ترسو اديهم
بعضهم ياخذه الماي،، ويرجعولك يامولاي
اذا ضاكت عليهم
خليهم يلومون ،،،، السانك غصن زيتون
وبيضه احجايتك يامقتدانه