لرسول الله ثواب اتوزع اتريد؟

الكلمة الطيبة وزعهه بثوابه

وكبل لا تبجي خل اجفوفك اتروح

تمسح دمع الايتام ابمصابه

محمد يرضه عن ناسه بكثر ما

واحدهم يفك للجاي بابه

محمد ينتصر من تصفه الكلوب

ويعيشون بجسد واحد احبابه

اليفرق اجفوفه .ويجمع الناس

محمد يكتب اسمه من الصحابه

ورغم ما جان متأذي بحياته

اذيته الاكثر بساعة غيابه

بكثر زيناته صرنه اقسام واحزاب

بكثر ما الله جامعنه بكتابه

محمد نيته يجمعنه ابفرد بيت

وهذا البيت واحد يبقه بابه

وحك حيدر علينه الشايل الدين

وسيفه الجان ما يعرف اكرابه

اذا يرجع محمد نختلف بي

وكل واحد يريده اله بحسابه

اذا أيدله واحد هسه يحتار

الثاني ايكول ساحر ياهو جابه

الكـــــــــــــــــاتب .