===========================
صوت الامام من السجن نادانه -- آنه الگظم غيظه وحفظ قرآنه
آنه الذي صار السجن عنوانه -- وگظيت عمري بوحشة الزنزانه
زنزانة هارون الظالم
-----------------------
من السجن نسمع بصوته الونه – وذيج السلاسل نسمعلها الرنة
لو سجد ثوب أسود امامك ﭽنه – يا شيعه صوت الكاظم أيحشمنه
وآسوا اليوم طه وفاطمة
------------------------
يا شيعه بدموع الحزن وآسوني – انه الامام الكاظم أيسموني
دمعتكم أتنشف أدموع أعيوني --- أنه الغريب البلسجن سموني
ومن رهبان بني هاشم
--------------------------
بيوتهم ﭽان ينزل جبريل --- بيت النبوة والوصي والتنزيل
تاليه موسى الكاظم أيشوف الويل---مسجون ما يعرف نهاره من الليل
والسجان السندي الاليم
----------------------------
من البصرة والسجن الفضل والبغداد --- السجن أبن شاهك بالسلاسل ينگاد
هارون فرعون بزمانه وهم زاد --- لاجن الباطل صوره من العباد
نكشف أمره الهاي الوادم
-----------------------------
هارون يتلذلذ بصوت الانغام --- ويگضي الليل بالخمر والآثام
موسى أبن جعفر ينسجن يا أسلام --- وعصر الذهب سموها ذيج الايام
قانت راكع ساجد صايم
--------------------------------
السجدة الطويلة الكاظم أمحالفه --- دموع الخشوع بسجدته يذرفه
وبصوت حيطان السجن رجفه --- مات الامام الحالة شنوصفه
بالمحراب المأثم دايم
---------------------------------
نذكر السندي الظالم الماهابك --- وأنت الامام الساجد بمحرابك
الدمع يجري شما وگفنه أبابك --- يا سيدي أيناديك صوت أحبابك
بمصابك خلينه أنساهم
--- - ------------------------
يا سيدي يناديك صوت الزوار --- لبيك يا مولاي يبن الأطهار
نتعنه لگبرك ما يهمنه شما صار --- مو بس مدامع بين أديل الأعمار
ترخصلك والله العالم
-- - - -----------------------------
يا سيدي موقف صدك بجانه --- ويهيج النيران وسط أحشانه
مثلك يظل أعلى الجسر جثمانه --- نندب أمام العصر يا مولانه
حان الثار أنهض يالمهدي
ــــــــــــــــــــــــــــــــــــــــــــــــــ ــــــــــــــــــــــــــــــــــ