عرض مشاركة واحدة
قديم 20-08-2011, 05:45 PM   #1

 
الصورة الرمزية ابو بنين

الملف الشخصي
رقــم العضويـــة : 135
تـاريخ التسجيـل : Feb 2011
العــــــــمـــــــــر :
الـــــدولـــــــــــة : العراق
االمشاركات : 2,771

افتراضي دين الله الرسول بهل الرزية

دين الله ورسوله بهل الليالي
مثل حال الغريب وبيته خالي
مثل طفلة يتيمه بليه والي
مثل مؤده من تندفن حيه
------------------
من دم الأمير أتخضب الدين
حاير مبتلي ينطي الوجه وين
مثل أنسان من يفگد ضوه العين
يظل كل لحظة يتمنه المنية
-----------------
آيات وسور فگدت أملها
مثل أم ينذبح يمها طفلها
حاير بيش أصبرها وشگلها
تريد تنوح وي بنت الزﭼية
-----------------
أشهل خطب العظيم اللي دهانه
بهل ساعة أنهدم ركن الديانة
أرضنه تموج وحمرت سمانه
الوصي ينعاه ظل صبح ومسيه
---------------------
أنثلم أسلامنا ثلمه ﭼبيرة
من طبرة وصي الهادي أوزيرة
وآهل بيت النبوة أبأشد حيرة
كلها أتفجعت بخير البرية
--------------------
قالع باب خيبر شالت الناس
ما يگدر يگوم معصب الرآس
زينب شافته صاحت يعباس
تيتمنه يبو فاضل سويه
-------------------
صدع گلب العقيلة عظم المصاب
من شافت أبوها داحي الباب
الشطر مرحب علي هازم الأحزاب
يگيدونه الحسن وحسين أخيه
------------------------
بساعاته الأخيرة أيوصي حيدر
بالمعروف أمرنه ونهي المنكر
بالصوم وصلاة وحج الأكبر
والأصلاح مابين الرعية
------------------------

 

 

 

 

 

 

 

 

توقيع »

التعديل الأخير تم بواسطة ابو بنين ; 20-08-2011 الساعة 05:56 PM سبب آخر: تغيير العنوان
ابو بنين غير متواجد حالياً   رد مع اقتباس