عراقي أنتة لاويت أذراع الموت والموت من يمك رجف

أهل الغيرة والزود والشهادة عنوانك ما همك أي قصف

أنتة رحت للمنايا مو هي أجتك أمعدل حاير بيك أي وصف

تتكامل أو ما تدري أبنفسك يا عراق

أوبيك مدفونة أشرف أطهر ناس

بيك أطيب بشر أغلى من الماس

أهل الفالة والتفكة والفاس

جذب ما صدك يا شعب الخير بيك شعب ينقاس

يا أهل الطيبة والمحنة والكرم أوعندك أبو الغيرة والجودالعباس

يا أرض الأنبياء والأولياء والصالحين

وعلى ترابك سالت دماء كم أحسين

أوعليهم أشكد تبجي أوتبجي العين

على اليتامى لو على الأرامل لو على المساكين

والمصيبة أهل الله في أرضك مطاردين

وفي سجونك الأحرار معتقلين

تهمتهم لأنهم قاتلوا المحتلين

وفيك يتنعم أهل الكراسي السارقين

تهون يا عراق غربال الزمن ايخلي بس الزين على أرضك يعيش

الأخ الغالي أبو علي أحسنت على نشر الصورة المعبرة على واقع العراق الصعب والمرير