اللهم صل على محمد وآل محمد وعجل فرجهم والععن عدوهم
بوركت يا اخي ووفقت لكل خير بحق الحوراء زينب عليها السلام وهذه ابيات بحق سيدتي ومولاتي العقيلة زينب قالها احد الشعراء المبدعين

غلــــط زينب تنـلفظ هيــج ابلســـان
وبلفـــظهــا اســتغـفرت ربي آنة
واجب الــيذكرها يتـــــــوضة ابدمــوع
ويســـتحب يلــبس حجــاب لســــــانه
كووون من تذكـــــرها تتراجف خــشوع
مثـــلما يخـــشــــع بلال آذانــه
هاي بت قــــــــرآن ناطــــق بت شـريف
ماهي بت افـــلان ابن فـــلانة
القـــلم لو راح بدروب الفــــرات
خل يعــيش المعــركة ابوجدانه
لا يرد صـــوب الخيم وجــفــوفة بي
لو يكــصهن لو يضل بمـجـانه
هنانة كافلــهة وذا زينب تصـــيح
جــفوفــة تبــقة تعـاين الذرعانه
وحــدة الموضــوع ما ثبتت معاي
شعـري عن زينب دخل عنوانه
وحـدة الموضــــوع وينك يلكفـــيل
وين اجمــعه ومحتــرك صيوانه
صعّــدت جلماتي عالهزّل زغار
ازغار بس حسراتهن كبــرانه
وبثكــل حســراتهن جان السؤال
نمشــي وين وعــمنة ماهو ويانة؟
الطبــع ديوان عن طـف كــربلاء
خــله يحـــذف كلمة من عنــوانه
كلمة الديــوان خل يلغيهة دوم
حتى لا زينب تطــب ديوانه