نظل بسمك نصيح أشما حصل بينه

نظل بسمك نصيح أشما حصل بينه
سفينه وحب أبو الأكبر ينـجيـــــــنه
إلك يحسيــــــــن عيوني اليوم أبجيـهه
وعلى خدودي الدموع أتخط سواجيهه
وعلى مصابك تنـــوح الروح أخليــهه
وأبد ما توفي دمك كل بواجيـــــنه
يبو الأكبر شسولف عن سبي العتره
حرم وأطفـــال سبايا مقــــيدة وأسره
تنادي إعله الجره وتبجي بألم حسره
وينك يـــــا علي لي ما تحاجيـــنه
أون كلما أشوفك عالثره مرمي
أعاين حــــــالتك أصبر يبن أمي
يريتك خويه تنظر حالتي وهضمي
صفينه بغربه ما ظل من يواسيــنه
لوَن تنظر خيمنه أحتركت من النار
عليـــــــنه من قبل زمرة شرك كفار
بفعل من آل أميه شما حدث وصار
يتامه من بعد عينك يواليــــــــــنه
يــــخويه وعـــكبك آنه مَن يصبرني
بكثر هول المصايب كلبي يعصرني
بأسر حزني طحت ياهو اليحررني
ومصابك يبقى للمحشر يبجيـــــــنه

الكلمات/ محمد العلوي البغدادي
((من الكوفة العلوية المقدسة ))