قصيد بعنوان عشنة ويــاك

[align=center] عشنةويــاك
عشنة وياك دمعة وحاضنة العين هاجسهة الوداع وترجف الدمــعـة
ننتظرك زمن من آدم ولليــــــوم وسفة الموت منّة يخطفك بسرعـة
يالمضحي أبنينك قربـــــــــة" لله حــﮔ لجلك تنوح وتنحني الســــبعة
عزم ومرجلة ورّثك داحي الباب من صدر النبوّة خلقك ترضـــــعة
تحملت الصعاب لدينك وضحيت وقضبان السجن ضل بالظهر طبعة
يا شمعة هداية بنص ضلام ذنوب صحيح أتذوب بس تنوّر الشمعــــة
يل شلال نورك متصل بالكــــون ضي نورك شمسنة سيدي توزعـة
مو منهة الضوة منك أساس النور ولو مر العصر ضي نورك تجمعة
بس نورك بقة ينوّر كلوب الناس نور البلـﮔلب ما تكدر ترجعــــــــة
كبلك للصلاة أجدامنة أثكــــــــال صرنة بلا شعور لكوفتك نسعـــــة
صرتنة طبيب لكل مرض بالروح كل أسبوع منك ناخذ الجــــــــرعة
عاينت الوطن بين الحديد ونـــار يصرخ للسماء ومحد يسمعـــــــــة
أنهضت نهضة تحدي والحسين أطاك راية حيدرة وسلملك الرفعـــــــــــة
خليت الجفن عالجتف وتصديت ﮔـلت الظلم زاد و واجب أنردعـــة
برزت آل أمية بصورة الهـــدام وعلة حسين العراق التمت الفزعة
كلهة تعاونت جمعتك مــا يردون ورضة الباري يتمهة ويكتمل شرعة
ومن الناس من يشري أشتريت الدين ومرضاة الأله عندك أهم سلعـــــــة
وبآخر صلا صلت وراه غــيوم ونحنت ليه المآذن رادت تودعـــــة
وجن رمياتهم صابن رســول الله ونزف صدر الأمامة وطاحت البضــعة
ومن مات الصدر ما طلعو يشيعوه الشمس وية الكواكب نزلت تشيعــــة
ما مات الصدر حي بضمير النــاس شما صاح المؤذن حيّ عالجمعـــــة

خادمأهلالبيت ...
(أبومحمدألعبيدي)
ذو القعدة 1433 هـ
[/align]