حجيك مايطيح مجاور الغيم

حجيك ما يطيح مجاور الغيم
وذا ينزل تخضر حتى الاحجار
شفسرلك اذا الثنين صــعبات
بكلامك وبسكوتك شايل اسرار

كلمتك مهره تطلع ونته خيال
اصيلة وعلى المرمر تترك اثار
يالتارك مواقف رؤسهن بيض
ماعندك مواقــــف سيد ازغار

المجد والزود عندك والكرامات
من اهل بيتك هذني وموش خطار
ويا شبل الصدر مو بالشــعارات

حبك نور الله بكــــلب الانصار
مو بالكيف حبـك مقتدى الروح
محبين الحضــــرتك الله يختار

ومو بس اليحـــبك كــبر مولاي
حتى اعداء شخصك صارو اكبار
فوك جناح حبك صـــعدوا اثنين
اكو دور الصــحابة ايمثل اليوم
وأكو صعدو ولكـــن صفو تجار
دور الشجرة دورك خير وفياي

وأكو ضدك يمثل دور الاحجار
وتره قرب البعض مو قرب فلاح
من اغصانك يا سيد قرب منشار
يا راية امــــــان بساعة الخـــوف
وكعبة يصير ضلها بيوم نحتـــار

ضلع صرت الوطنه بيوم ناداك
واكو لمن نخاهم اجــوا بســـــمار
تبعونه وضمير البعـض صحراء
وصرتنه الحمامة وبيـــــتك الغار

انتة وي الصدر مــــتوارد هواي
نفس ثوب ذاك ونـــــفس الافكار
على شفافك فرح بس عندك عيون

بيهه اطفال بين الخـــــــيل والنار
كلبك وين حده ونوصـــله اشلون
تمدد شــوفي كله ومالـــــكه اثار

مصطفى المياحي