تريد تعرف منهو حسين

( تريد تعرف منهو حسين )
---------------------
يا حسين انت الأصل وانت الفرع
وانت سر الدين واحكام الشرع
بنهضتك يحسين دين الله أرتفع
ويضل شامخ مجدك وما يندثر
--------------
وهذا صبر أيوب جان العلته
وأنضرب بيه المثل من ساعته
هاك ابو الباقر وشوف مصيبته
وبيه تعرف منهو عنوان الصبر
------------------
لا تظن وتعتقد واحد يشوف
مثل ذيجچ المصيبة بيوم الطفوف
شاف الأكبر شافه مگطوع الچفوف
وشاف أبوه أحسين محزوز النحر
-----------------------
شاف أبوه حسين جثه بلا رأس
وعالصدر تسحگ بعد خيل أرجاس
والحرم تصرخ تنادي يا عباس
والگمر عباس مرمي عالنهر
-------------------------
چم مصيبة بكربلا شاف العليل
أشعنده ظل غيرالدمع يگدر يهيل
شعطلك عنه يحماي الدخيل
فوك ذيچ العلة مشوه للأسر
-------------------------
شتنتظر من حرگوا الگوم الخيم
وفرت أطفالك يحيدر والحرم
سياط أمية عليهم بلايه رحم
وبعد ياحيدر گلي شتنتظر
===========

اللهم صل على محمد وال محمد وعجل فرجهم والعن عدوهم
ابيات شعرية جميلة وفقك الله لكل خير
وننتظر المزيد

احسنت اخي العزيز ابو بنين على هذه الابيات الجميله
رزقك الله شفاعة الحسين عليه السلام
شـكــ وبارك الله فيك ـــرا لك ... لك مني أجمل تحية .

اللهم صل على محمد وال محمد وعجل فرجهم والعن عدوهم
ابيات شعرية جميلة وفقك الله لكل خير