يا بيـت المــواقف قصيدة للشاعر مصطفى المياحي

يـــا بيت المواقف والبطولات

منو مثلك تحول للوطن ســـــــور

عشت عيشة فقير بهيبة ملوك

بكل موقف شرف موجود الك دور

جفك ليل صار وستر بغداد

وجذب من عدهه شافت عينهم نور

عشت لاجل العراق وناسه مولاي

بشريانك شعب مو دم اليــــــــدور

نضرتك نضره وحده بدون تمييز

بين اهل الصرايف واهل القصــور

بين اثنين ابد مافرقت يوم

مثل حال الحسين بيوم عاشــــور

علي الاكبر ركضله ويركض الجون

وعالثنين يبجي وظهره مكســور

ونته ابن الصدر مسعاك توحيد

وي اهــــــل الشمال اتفزع الهور

على كاع المسامع تترك اثار

وحجي غيرك ياسيد جنه ــنـــاعور

القياده اتلوك الك متلوك للغير

جنحـان الصكـر ترهم العصـــــفور

عقلا ما تصير الغيرك شلون

ترهم واحد اعمه اتشغله ناطـــــــور

حريتي من اطيعك وصلت اوياي

اباوع عالشجر مسجونه الطيور

واذا اخدمك ياسيد مقتدى بيوم

اخلي الملك يشعر جنه مأمور

حراميت المواقف مايضلون

لئن حجيك شمس مايخلي مستور

الفرق بيـــــــن اليضدك وليواليك

مثل فرق الحدايق عن الكبور

غيرك عنده دنيه وعدنه والله

سكن حبك ياسيد يسوه القصور

انته اثمن بقية الصدر خلاك

وعلى هاي البقيه الصدر مشكور

مصطفى المياحي