قصائد حسينية للسيدة رقية

القصيدة الاولى) الضعن قرآني واكفله للنهاية
اعذرني لو بالشام طاحت منه ايه
بوداعك خوية اليه – عفت بيدي رقية
,,,,,,,,,,,,,,,,,,1
تودعك ونحرك تشمه يالحنين
وانت من خدهه تشمهه يالحسين
بخنصرك تلعب شفتهه بالادين
بجفهه تمسحلك عرك من الجبين

بيك متعلقه وتريد اتروح عنهه
تموت كل ورده اذا كطعوا غصنهه
بوصيتك هالمسية– عفت بيدي رقية
,,,,,,,,,,,,,,,,,,2
طفله متعوده اعله جف ايدك تنام
شلون باجر من تشب نارالخيام
تصيح بوية من تخاف من الظلام
وانت جسمك غطته ارماح وسهام

وانت راسك عالرمح تنصب دمعته
يبجي راسك خوية لوطكو شمعته
واذا امشي سبيه– عفت بيدي رقية
,,,,,,,,,,,,,,,,,,3
تصطر اثيابك بديهه ادري تحب
وانت باجر كل ثيابك تنسلب
اني اكفلهه ولكن شي صعب
شكدراحميهه يخوية من الظرب

طفلتك يدرونك اتحبهه يخوية
هالعده يضربوهه لو صاحت يبوية
فلا تحمل اذية– عفت بيدي رقية
,,,,,,,,,,,,,,,,,,4
طفله كل لحظة تضل تنشدني وين
لون كالتلي اريدن للحسين
خوية من الدمع ماتبقالي عين
وياي خافن ماتجي بالاربعين

يختلف شفته وداعك وي رقية
تكلي بيهه اشتم عطرامي الزجية
الحبل باجر بدية– عفت بيدي رقية
,,,,,,,,,,,,,,,,,,5
خوية منك استحي ومااعتذر
صعبه اكفل طفله انت الهه العمر
طفله ماتشتم هوه اتشمك عطر
تعودت تتنفسك من الزغر

ينكطع راح الهوه اعليهه بغيابك
اتعودت من تغفه تتغطة بثيابك
بجت الهه الزجية– عفت بيدي رقية
,,,,,,,,,,,,,,,,,,6
اكدراحميهه اذا شب الجمر
ويمكن ابمتني اصد صوط الشمر
بس اذا راسك يراونه اعتذر
خاف تنظر راسك بذاك الاسر

لون نشدتني اعله ابوهه وين جسمه
راح اكلهه بكربله خل نمشي يمه
الحمل يصعب عليه– عفت بيدي رقية
,,,,,,,,,,,تمت,,,,,,,
الخادم حيدرموسى الرميثي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,
بسمه تعالى القصيدة الثانية) رقية ينادي حسين اسمـعة
رقية مشتاك الج يشــــمعة
رقية غيابج ما اجــــرعــة
رقية ينادي حسين اسمعة
,,,,,,,,,,,,,,,,,,,,,,,,,1
أيٍصيـــــح حتى الاخرة وحشة بغيابج
بويــــة تبجي الجنة مشتاكة الـودادج
كومي امشي وياي خل اختم مـــصابج
مـــثل ما ذ بحوني راح أذبح عــذابج

رقية يمصحف ما أهـــجرة
كتــابي أرتـل بـــــيج واقــــرة
رقية ألج وياي رجـــعة
رقية ينادي حسين اسمعة
,,,,,,,,,,,,,,,,,,,,,,2
بعدج ازغيرة يبوية اعلة المصايب
بوية عمرج مو عمر سبي ومتاعب
مــدلـله ويـــم الاهــل مو للمصاعب
لعبة بيـــدج كــون مو سوط اليلاعب

يلاعب هضيمة السوط متنج
يتيــــمة محد رحـــــم دمعتج
رقية الالم كلبي يكطعة
رقية ينادي حسين اسمعة



,,,,,,,,,,,,,,,,,,,3
يالخدودج ورد جنت اشتم عطرهــن
تنسكي الوردات بالماي بعطشــــهـن
بس خد ودج ينسكن من حر دمعهــن
وسفة لون الشمس غير كل صورهن

دموعج حجــر صوب جبيني
بجيتي نزل دمي اعله عيني
رقية الحزن خنصر يشلعة
رقية ينادي حسين اسمعة
,,,,,,,,,,,,,,,,,,,,,,4
ضلي يابوية اعله نومج يارقــــية
بوية لوفزيتي شيسكــــتج عليـــــة
لوكعدتي تكـــــعد وياج المـــــــنية
يصبرج الله لو اجه طشت الرزية

سبية علـــى راسي لوغفيتي
العقيلة شيـــــــصبرهه دريتي
رقية نزلتي بعيني دمعة
رقية ينادي حسين اسمعة
,,,,,,,,,,,,,,,,,,,,,,,,,5
لاتضــــــــــنين بغرب بالشام اخليج
انه وصيــــت الكفيــــلة زينب عليج
للمدينة تودي ضعني وهـــم ترد ليج
وانه والعباس كلساعــــــــة نمر بيج

رقية الـــرضيع وياي اجــيبة
يسلم علــــــيج وعالغريـــــبة
رقية الم كلبج ارفعة
----------------------------------------------تمت بحمدالله---------------الخادم\حيدرموسى الخفاجي الرمثي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,
القصيدة الثالثة)* ابتاه – ضربوني - ابتاه
ابتاه – ضلموني – ابتاه
ابتاه – قتلوني – ابتاه
--------------------------------------------------1-------------------------------
اسواري بيدك لبستني وشلعو من ايدي السوار
وبمكان اسواري حطو حبل بجفوفي الزغار
ابيض من الصبح متني اصفة من لون النهار
مثل لون الليل اصبح بالسياط امتوني نار

بالبكاء - اغرقوني - بالبكاء
بالبكاء - قد سبوني - بالبكاء
ابتاه قتلوني ابتاه


--------------------2--------------
فوك ايدك جنت اغفة وهسه انامن عالتراب
جنت افز اعلة ابتسامت ثغرك اليمطر سحاب
واليفززني بغيابك سوط وصياح وعذاب
مراخذني وياك بلكت انجة من هذا المصاب

كربلاء المتني كربلاء
كربلاء عذبتني كربلاء
ابتاه قتلوني ابتاه




---------------------3---------------------
جان قرانك يناغي من افزن بالظلام
جنت احسك بوية يمي اكعد وارجع انام
هسه كوه ينوموني بسوط يابوية اللئام
بوية تدري بأمي ميتة ميتة من كبل الفطام

صحت اه من نحيبي صحت اه
صحت اه ياحبيبي صحت اه
ابتاه قتلوني ابتاه
-------------------------4-----------
من طلبتك بوية منهم غيروجهك مااريد
راح اهزهم بالبواجي وما يسكتني يزيد
اليوم ابوي حسين اريدة ماانام ولا أهيد
صار من عاشر محرم لسة ماشفت الشهيد

صحت ماء - عطشوني - صحت ماء
صحت ماء ماروني- صحت ماء
ابتاه قتلوني ابتاه
------------------5----------------
بطشت من جابولي راسك كون ضل بيه يهز
سيف بنفاسي تحول هلهوة بنحري يحز
صحت بويه هذا انت وگلبي چم نزه ينز
صحت يادنيا وداعا يالمنية اعليج افز
صحت لا - ترهبوني - صحت لا
صحت لا- تفجعوني - صحت لا
ابتاه قتلوني ابتاه
,,,,,,,,,,,,,,,,,,تمت,,,,,,,,,,,,,,,,,,,,,,,,,,,,ا لخادم حيدرموسى الرميثي
القصيدة الرابعة ) عندما استشهدت رقية بكت زينب وكأن لسان حالها يقول
بگبر واحد سوية ،،، خلوني وي رقية
وياهه خلوني اموتن بالخرابة
طفلة لا أم لا ابو يمهه وگرابة
.....................................1
اني عمتهه واريدن ابقى يمهه
حتى من اشتاگ لحسيني اشمهه
ارده احطهه بروحي هالطفلة واظمهه
حتى كل لحظة اصيحلهه بأ سمهه

اللحد ظلمه عليهه ،،، تخاف،شلون بيهه
يصير ظلمه الگبر من ينغلگ بابه
طفلة لا أم لا ابو يمهه وگرابة
..................................2
خايفه تعاتبني ليش هنا عفتهه
ويم ابوهه الكربله مارجعتهه
والله لو بيدي اعله ظهري چا شلتهه
وجان وي راس الحسين هنا جبتهه

ردت تضويلي گبري ،،، اخليهه اعله صدري
هاليتيمة الدعوه يمهه مستجابة
طفلة لا أم لا ابو يمهه وگرابة
،،،،،،،،،،،،،،،،،،،،3
طفله ميته والحبل بعده ابأديهه
امتونهه مورمه وزراگ شكثر بيهه
ماشفت واحد رحمهه وحن عليهه
بصوط تتسكت اذا سمعوا بچيهه

اعوفن روحي صعبة ، ،، رقية بديرة غربة
الله بلآ يتام وصانه بكتابة
طفلة لا أم لا ابو يمهه وگرابة
،،،،،،،،،،،،،،،،،،،،،،،،،،،،،4
شلون انسه جمر الخيام الحرگهه
شما بچت سكتيهه صاحوا لا نطگهه
شلون اسكتهه اعله ابوهه تبچي حگهه
عگب حضن حسين راسه الي شبگهه

خلوني اعوض امهه ،،،، اشبگهه واغفه يمهه
وياهه اسولف قصة حسين ومصابة
طفلة لا أم لا ابو يمهه وگرابة
،،،،،،،،،،،،،،،،،،،،،،،،،،،،،،،،،،5
شلون اعوفن طفلة حسين اليحبهه
من البواچي اعله الابو ورم گلبهه
الطفلة من الخزره ترجف خافوا ربهه
شفت چم ظالم خزرهه ورد ضربهه

ليش اعله راس ابوهه ،،، هالطفلة موتوهه
بحظني خلوهه اللحد هيلوا ترابة
طفلة لا أم لا ابو يمهه وگرابة
،،،،،،،،،،،،،،،،،،،،،،،،،،،،،،،،6
الشام ما ودها ولكن طفلة عندي
ليش خاف تگول خليتوني وحدي
زينب اني واعدت وابقى اعله وعدي
ما اعوفچ يارقية وهذا عهدي

اودي ضعني وارجع ،، رقية ويمچ اهجع
شراح اگل لحسين من يبدي عتابه
طفلة لا أم لا ابو يمهه وگرابة
،،،،،،،،،،،تمت،،،،،،،،،،،،،،، الخادم /حيدرموسى الخفاجي الرميثي
القصيدة الخامسة) عليمن يارقية ايام الچ تبچين
هذا البلطشت جابوه راس حسين
،،،، ، ،،،،،،،،،،،،،1
محتامة علبوچ هوايه ونيتي
ومن نومچ كعدتي وبوية ناديتي
مشتاكة لبوچ بعبره حنيتي

نامي يالحنينه بعدچ تنعسين
هذا البلطشت جابوه راس حسين
،،،، ،،،،،2
شافت راس ابوهه وصاحت بحسره
مثل ماصاحت من انعصرت الزهره
شبگت راس ابوهه اونت بعبره

على راسه يارقية ارجوچ لاتغفين
هذا البلطشت جابوه راس حسين





،،،،،،،،،،،،،،،،،،،،،،،،3
تحچي وياه تگله امتوني توجعني
يابويه الشمر بسياطة لوعني
يخزرني بعيونه وبسوطه گطعني

حجر بالجبهه بالچ خافن تلچمين
هذا البلطشت جابوه راس حسين
،،،،،،،،،،،،،،،،،،4
شوماكو نفس ضل بيچ ماتحچين
گبل لحظة عله راسه نشوفچ ترجفين
لاتخلين زينب تبچي وتموتين

متي يالحنينه ودمعتچ بالعين
هذا البلطشت جابوه راس حسين
،،، ،،،،،،،،،،،،،،،،5
عنچ لو نشد عباس شنگله
بگت بالشام طفله وهاي موسهله
موتهه السبي مابيهه كل عله

زرگة متونچ ومن هلألم تشكين
هذا البلطشت جابوه راس حسين
،،،، تمت ،،،،،،،،،،،،
الخادم حيدرموسى الرميثي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,
الرضيع موشح) اجت زينب والرباب وياهه - كوم ياعبدالله وتلكاهه
,,,,,,,,,,,,,,,,,,,,,,,,,,,,,,,,,,,,,,,,,1
تبجي امك يالرضيع ومانست – جمرة مصابك سبيه اتعذبت
الك مشتاكة وتريدك دم بجت
تشكي من سوط السبي الأذاهه – كوم ياعبدالله وتلكاهه
,,,,,,,,,,,,,,,,,,,,,,,,,,,,,,,,,,,,,,,2
وياهه ترجع للمدينة رادتك – كوه لرض الشام امك عافتك
هسه من ردت عجب ماشافتك
تدري فكدك يالولد اذاهه – كوم ياعبدالله وتلكاهه
,,,,,,,,,,,,,,,,,,,,,,,,,,,,,,,,,,,,,3
تنشد السجاد ابنهه بياكتر – وين عبدالله صدك عنده كبر
وياهه ابني ادفني ماريد العمر
هاي امك تنعه كوم انعاهه – كوم ياعبدالله وتلكاهه
,,,,,,,,,,,,,,,,,,,,,,,,,,,,,,,,,,,,,,4
جاوب السجاد بدموع الحزن – يالرباب منيلج ماضل ابن
فوك صدر حسين ابنج مندفن
مادرت تحت التراب اضناهه – كوم ياعبدالله وتلكاهه
,,,,,,,,,,,,,,,,,,,,,,,,,,,,,,,,,,,,,,,5
بجت ودموع الحزن ضلت تسيل – طلعت نبلته يولا يالعليل
خاف يتألم لئن جرحه ثجيل
ركبته ضامي السهم سداهه – كوم ياعبدالله وتلكاهه
,,,,,,,,,,,,,,,,,,,,,,,,,,,,,,,,,,,,6
كوم ياعبدالله نشفلهه الدمع – تدري بمصاب السبي ماينجرع
يالرضيع السوط مايرحم ضلع
امك المسبية لاتنساهه – كوم ياعبدالله وتلكاهه
...تمت .................................................. ............
الخادم\ حيدرموسى الخفاجي الرميثي

,,,,,,,,,,,,,,,,,,,,,,,,,,,,,,,,,,,,نزلة,,,,,,,,,, ,,,,,,,,,,,,,,,,,,,,,,,,,,,,,,,,,
للوعد تانينة - ننتظر مهدينة- ياثار الله
,,,,,,,,,,,,,,,,,1
والله ماننكر وجودك ماتهمنه اعدانه
انت ماغايب يقائد انت دوم ويانه
راية العباس عدنه ومايطيح الوانه
وياك كل احنه نجاهد بالحشد تلكانه

دوم ماذلينه – ننتظر مهدينة – ياثار الله
,,,,,,,,,,,,,,,,,2
نشتغل خدام عندك يابوصالح وينك
العمر خلصناهه ننطر يالولي متانينك
نندعي تعجل يغالي وتنظرلنه بعينك
ننسه حتى اسمائنه احنه وانت ماناسينك

بالدمع خطينه – ننتظر مهدينة – ياثار الله
,,,,,,,,,,,,,,,,,3
اشجم علامة العدنه تثبت يابوصالح حاظر
مانشوفك صوج بينه انحجب عنه الناظر
السبب احنه ذنوب عدنه الذنب اصبح ساتر
دوم ندعي الله ونصلي بلكي تطلع باجر

وشكثرتانينه – ننتظر مهدينة – ياثار الله
,,,,,,,,,,,,,,,,,4
يمته بالكوفة تصلي واحنه خلفك يمته
عيسى ويانه يصلي لو اذانك صحته
ياحسين نصيح نبقى ثاره تاخذ انته
الدنيا تمليهه عداله والظلم ماردته

جنودك اتخلينه – ننتظر مهدينة – ياثار الله
,,,,,,,,,,,,,,,,,5
كل بني سفيان سيفك حيل خل يحصدهم
حيل وي الكفرونه بيدك انت تردهم
ذوله وهابية كفروا يزيد تعلم جدهم
بسبع انهر لونغسله ماطهر واحدهم

بزودك اتحدينه – ننتظر مهدينة – ياثار الله
,,,,,,,,,,,,,,,,,6
شلنه راية ابوفاضل صحنه قيم الثورة
نريد ثار الزهرة تاخذ والظلع والعصرة
وثارالحسين وخيامة بينه لسه الجمره
وثار اجدادك يوالي وي مصاب العترة
يالولي نادينه – ننتظر مهدينة – ياثار الله
,,,,,,,تمت,,,,,,,,,,الشاعرحيدرموسى الرميثي

احسنتي عزيزتي الغالية
جميل جداً

بارك الله فيك