شاعر شباب البصرة

شاعر شباب البصرة في قصيدة رائع تحاكي الواقع المؤلم الذي
نعيشه تحت صوط التخلف القبلي اترككم مع القصيدة
للمبدع حسن التميمي
هواي مثلي بمجتمع ضد الضعيف
اهلي والعادات خطو قصّتي
خواني انا اختار عنهم بت حلال
ومالي حق اختار عنهم قسمتي
ها.. لأبن عمها.. لصديق.. وبالأخير..
نداس عمري وما نداست عتبتي
حملت كبر امي وابوي وضل سؤال
من اطيحن ياهو يحمل كبرتي
زغير خواني خطب رايد مكان..
يعني باجر لازم انطيه غرفتي
احسد العاجر صرت جي عدها بيت
انا شملك غير صبري ودمعتي
وليش بجدام التقاليد انا اصير
الجنه تحت اجدامي جانت غايتي
والبعض يسألني لو تتزينين..؟
والشماته اتهز أديها بسكتتي..
مكحل اعيوني الشرف تكفيني هاي
بيوم ترهم عود اخطن كحلتي
مرايه وجهي.. الدمعه ماتعثر عليه
والكبر كسر مراية وجنتي
مارسمت ابّالي فارس أمنيات
ابدي أرسم تبدي تمسح دنيتي
من السلف زفيت بيدي شجم عروس..
وأرد اهلهل بس اغص بعبرتي!
جلمت اليوم الألج ذبحتني هاي
تالي وكتي زغار تدعي لزفتي..؟!
جنت اريد أكلاده لو أي شي بسيط
مو جهال أخواني كلها بركبتي
يظني خدامه اليطب ألنا غريب
روحي رجعي وماكو كلمة عمتي
حرت انظف البيت لو نظف عقول
ثنينهن باكن شبابي وراحتي
والأهم من هذا خنوعي الضمير
ما اريد اتطيح ناس ابمحنتي
للي غافي عله التخلف صوتي هاذ
بلكي يصحه بيوم يسمع حالتي