قصيدة" ما يدرون زينب " لشاعرتها الأخت ام رائد الكعبي

فرحو أل امية من وگع عباس
گالو هاي زينب لازم انذلها
ما يدرون زينب بالزعل شتصير
مثل حيدر علي محد ينازلها
علي بصمصامة خورسها الزلم من صال
وعن صولة الحرة الدنيا أسالها
صالت بالمجالس بت علي الكرار
صح مسبية بس الكل يدنگ الها
كد كيدك يزيد تخاطبه الحوراء
سوت محكمة الهم من وصل ظلها
باسمها الشام صارت ارض زينب هاي
ممنوع أل امية الشام توصلها
مرقدها المقدس كحل الابصار
بهيبتها وخدرها وبالتكفلها
كسر عين الشمس مرقد الحوراء
منايرها الشريفة ازنود كافلها
چفه الي انگطع والطف بعد متعود
زنده البلمنارة شلون توصلها
عليك يزمجر الكرار اذا تعديت
زينب بنت ابوها ومن تماثلها