(وَإِنَّكَ لَعَلَى خُلُقٍ عَظِيمٍ)

يا اول شرارة اشتعلت من الماي
ويا صوت الآذان الفجر الجمعه

ويا صحوة ضماير لوما صوتك جان
لبست خوفها و ماكَدرت اتنزعه

يل شلت التقيه وي الجفن تابوت
ولا كَدرت تقيه الصوتك اتمنعه

من مثلك تحزم بالمنيه حزام
ومن مثلك جفن يا سيدي درعه

ومن مثلك الهدم قلعة الطاغوت
كشف غش الاساس وطاحت القلعه

ياصدر الكرامة اشكد قسوا وياك
ورادوا صوت عدلك محد ايسمعه

وياصدر الكرامة اشكَد شرحت اصدور
ضاكَت بالعذاب اصدورها الوسعه

وياصدر الكرامة اشكَد مسحت اعيون
عاميها البجي وسلاحها الدمعه

وياصدر الكرامة وبيك صدر الدين
در كوثر كرامة ورادك اترضعه

سلمت اناملك وهي تخط هذه الكلمات النورانية بحق الولي الطاهر محمد الصدر قدس سره
شكرا لك