مواقف مؤثرة وشعر

اللهم صل على محمد وال محمد وعجل فرجهم والعن عدوهم
الموقف الاول :
طفل مستواه ضعيف بالدراسة ذهب الى قبر امه وقال :
كومي امشي يـ يمة انروح للبيت ، موكلتي من تكبر اداريـــــك
اجيت اني يـ يمة وجنطتي وياي ، المعلمة اتكول خلي امــك تقريك



الموقف الثاني :
طفل يبكي عند قبر اخوه ويقول :
اذا انته سبع كوم امشي وياي ... بمدرستي ولد كل فرصه يكتلني


الموقف الثالث :
ام تبكي على مصرع ولدها وتقول :
ولك يمه وصلتك ازحف ازحوف
لأن رجليه ماتن گبل اديه
لگيت اكتابك او ماشفتك اوياه
عفته اشلون مو رحتو سويه
او جثه اتصيحلي من بين الرماد
مو هيه گلت وآنه ادري هيه
حاچيني دخيلك ياضوه العين
الشظيه الصابتك مو بيك بيه
انا اشتاگيت ابوس اچفوفك اليوم
ابگد مابوست انته بديه
وصية والدك بيدي آنه احنيك
ترضه ايگول خلت بالوصيه



الموقف الرابع :
طفل يتيم شاهد الاطفال تلعب بالمدرسة فأراد اللعب معهم ولكن !!!
ردت العب صدك من شفت الاطفـــــــال
ولو بظــــعه ثواني واشعر ابراحــــــــــه
بس عرفوا يتـــــــــيـم وكالـــو الطـــــلاب
بس العنده والـد يدخـــل الساحــــــــــه


الموقف الخامس
لسوء الخدمات وخاصة الماء منها
طفلة صغيرة تركض خلف ( تنكر الماي ) وتقول :
عـمـّي أوكـف دخـيـلـك خـوتـي عـطـشـانـيـن
خـط الـمـاي يـسـحـل و إنـت سـاحـلـنـي
عـالـشـارع تـبـوس أجـدامـي حـتـى الـكـاع
عـلـى بـخـتـك يـا عـمـي ويـن مـاخـذنـي .. ؟!
مـا هـمـنـي الـعـطـش خـلّـيـنـي أمـوت هـنـا
بـس هـمـّي علـه خـوتـي لا تـزاعـلـنـي
عـمـّي أوكـف دخـيـلـك أرد ألـحـّك بـيـك
هـم إحـسـبـنـي بـنـتـك و إنـت والـدنـي .. !
الله ويـاك عـمـّي مـحـصـّن و مـحـروس
و آنـه ويـاي الله و هـو حـارسـنـي
إبـوي مـن الـعـطـش يـا عـمـّي يـمـكـن مـات
هـاك إشـرب دمـع يـا بـويـة سـامـحـنـي




واخيراً اعتذر لكم على نشر هذه الصور المؤلمة ولكن هذا هو حال العراق الجريح
كل يوم ينزف بحر من دماء الابرياء ليخلّف الالاف من الايتام والارامل
انا لله وانا اليه راجعون
ولا حول ولا قوة الا بالله العلي العظيم

احسنت صورة مؤثرة ولو انزلتها من دون شعر ايضا لكان واقعها مؤثر
جميل جدا ننتظر ابداعاتك ومداد قلمك
تقبل وافر ودي وحبي

شكراً لك اخي ابو ( علي)
فعلاً انها صور مع كلمات مؤثرة
لا حول ولا قوة إلا بالله العلي العظيم

صورة مؤثرة ومبكية والله العظيم احسنت اخي الكريم

إنا لله وإنا إليه راجعون