قصة وشعر4

الملف الشخصي · 06-10-2012, 05:38 PM

 زار احد الشعراء صديقة وبقى وتأخر عنده ( يعني اتغده وانوبه اتعشه وبات ) فأراد ان يذهب إلى بيته لكنه المطر كان شديد وغزير في الخارج فقال له صديقة ان المطر شديد دع المطر يتوقف ثم غادر إن شئت فوافق الرجل على هذا المقترح وبقي في منزل صديقة واستمر المطر ثلاثة ايام لم يتوقف خلالها , وكان عند أبو البيت قبوط شتوي اعطاه إلى صديقة وكانا يتمشيان في حديقة البيت عندما يتململان ( تغيير جو )
وعندما توقف المطر بعد ثلاثة ايام وأراد الرجل ان يغادر قرر ان يترك ذكرى لهذه الحاثة عند صديقة , فكتب قصيدة على لسان حال المعزب وقال فيها :
لبس قبوط عندي وگام يتمشه
تعشه وبات عندي وناوي يتعشه
يجيني بطرگ إيده ودومه مستفلس
گمت بالچاي اعسن والتتن بي عس
إعله اهله گمت انشده وگلت بلكي ايحس
وگلت إيغبش مني من الصبح غبشه
بالجبله الشمس ماحرك وگامش
وياه احچايتي صارت على الهامش
احضر ياعلي لا ترجع امكامش
ويا ابو حسين دزهه وياه الطرشه
يابو حسين اذكره وخلة عندي ايروح
ولو هاليوم تمطر ماكو بيه اطروح
اشوف الوجه ماله من الخجل ممسوح
اذب إعليه حچي وينطي اذن طرشه
ياابو حسين اذكره لا ترد أكماش
فگره إعلينه جابه طب غفل وانحاش
إعليه الماش يلحگ وين يلحگ ماش
وبس ايريد يلگه إعله الاكل حرشه
ناويهه اشوفه ايريد عدنه إيبات
وللخطار ما كفن ثلث وجبات
لوه الرگبه وثناهه وعدنه دگ اثبات
بيه اتبلشت شيفيد هالبلشه
ورطة اتورطت گتلك هله وحياك
واهلاً بيك گلنه وباليجينه وياك
يوم اسعيد يوم البيه ما نلگاك
هيچي اتروح عنه وننكث الفرشه
@@@@@@@@@@@@@@@@@@@@@@@@@@@@@
من التراث الشعبي ( منقول)