القوافي تلوك لسمك مقتدى

انـته الـمحـب والـغـايه
صدكني اخذهه احجايه
دلاالي غـيرك مـاهـوه*****انته الطبيب انته الدوه
صدكني اخذهه احجايه
@@@@@
م + ق + ت دال وهـا صـــارت مــقــتــده
بالكلب مختوم خـط مـرسـوم وبـورد الـنـده
حب كبر وياي وسط حشاي من زغري بده
كلبي صاح اهـواه روحـي ويـاه وبـدمي سده
شحـده كـلبي لـونـوه*****ينسه العشك ينسه الهوه
شحدك يكلبي بهايه
@@@@@
راسلت مكتوب للمحبوب بـيه باقة ورد
كتله بعد الروح من تروح تمردني مـرد
ومن ترد للدار روحي تعود ليه مـن ترد
كلني اروح وياك صدك من ترد وياك ارد
حبك تره خلاني*****هايم وجناني
حبك كبر ويايه
@@@@@
كثر ما اهواك تدري اشتاك كمت اكتب شعر
اسمـك بـكـل بيت يـامـولاي كــل بيت وسطر
والقـوافـي تلوك بسمه مـوشح عـكيلي وبحر
ولو ردت اكتب قـصيده بـدمي اخطه مـو حبر
بالوزن انته الشعر*****سيدي يبن الصدر
انته العلم والرايه
@@@@@
انـه هـايـم بـيك هـايـم بـيك وانسه مستحيل
شلون كلي انساك يامـفـتاح كلبي والــدلـيـل
فــدوه لا تـبعـد يـغـالي انهـظـم مــابيه حـيـل
وانته نور عيوني انته رحمه من رب الجليل
ادعي كل صبح ومسيه***** فدوه لاتبعد عليه
يامنيتي ورجوايه
@@@@@
الشاعرالحسيني
ابوفزع الحلفي

جزاك الله خيرا
وثبتنا الله واياكم على على محبة واتباع القيادة المباركة

الشعر الهم لطيف ال الصدر ولو مايوفي شما يكول
ندعوا الله لكم بالتوفيق

شكرآ لكم كلمات جميلة
سلمت يداكم

جزاك الله خيرا