سيد الكون

الملف الشخصي · 19-12-2014, 01:55 PM

((يامحمد يانبينه))
**********
سيد الكون // يامحمد يانبينه
سيد الكون // ظلمَّت الدنيه علينه
نورك أحياهه البصائر
محبتك نور الضمائر
سيد الكون
*********
سيد الخَلق بصفاتك** يانبي كل العوالم
نور أخلآق المرؤه ** سيِّدي ياأبو القاسم
ياحبيب الله الرساله ** ماحفظهه زاني ظالم
غدروا بأهل المودَّه ** مابقه من العتره حاكم
روح الايمان // روح كلمن صلبه طاهر
روح الايمان // شيعه من حقنه نفاخر
اليوم ياسيدي وباجر
محبتك نور الضمائر
سيد الكون
********
جبت كل الخير ألنه ** وانته رحمه للبريه
صادق الوعد وضميرك ** مايحبهه للرديَّه
الطلقاء اليوم بعدك ** ترد لاغيره وحميَّه
جنّدوا داعش علينه ** وكل شياطين آل أميَّه
ربّي سوّاك // البشير ورحمه ألنه
ربي سوّاك // وسوَّه من نورك الجنَّه
يابحر وبفيضه هادر
محبتك نور الضمائر
سيد الكون
*********
تسجد الدنيه بسجودك ** آيه آيه وانته الاحمد
حروف أسمك نبع كوثر ** ياحبيبي يا محمد
تنكشف كل ظلمه لسمك ** بنور وجهك كون ورَّد
يظل للصاحب وبعده سرمدي من الباري الاوحد
أدب الله // بكلبك الرحمه كتبهه
أدب الله // السمه زيِّنت كل حجبهه
عله جفّينك بشائر
محبتك نور الضمائر
سيد الكون
ودّعتنه وجار بعدك ** الظلم شرَّع نظامه
زيِّفوا كل الحقائق ** بعد ماجن القيامه
خذوا من الزهره حقهه ** وبضلعهه أكبرعلامه
ذبحوا الدين وكيانه ** من جفوا حق الامامه
الحكم طاغوت // صار يحكم بالبدع
الحكم طاغوت // أرعن يلآيه ورع
التبعهم دينه خاسر
محبتك نور الضمائر
سيد الكون
*********
للحسن سمَّوا جبدته ** ونعشه صابوه بسهام
وذبحوا حسين بطفوفه ** من الزنه أو ولد الحرام
دمه زاكي فاض ثوره ** طش عله الدنيه سلام
نصيح بسمه يانبينه ** بكل معاني الحب والهيام
يبو الاحرار // ألك لبّينه النداء
يبو الاحرار // ويَّه مهدينه اللقاء
وياه حد كَطع المناحر
محبتك نور الضمائر
سيد الكون
*********
لتمسكم الدعاء
مبرئين الذمه