عنّي رسول الله أبتعد

عنّي رسول أبتعد ** لمَّن كَرب يوم الوعد

خلآّلي لجروح // والبجي والنوح

*********

اليوم يغيابه دمعتي سجّابه

وبنار سهم فراكَه كَلبي ذابه

وشلونه حالي صار بعد غيابه

حيلي وكياني هد اليوم مصابه

نور جفاني بحيرتي ** ياشيعه هذي مصيبتي

شيصبّر الروح // والبجي والنوح

*********

أنقذ الأمَّه من الجهاله أيمانه

أسس كيان الدين وكل أركانه

بصبر العقيده شامخ أبنيانه

والباري سلَّم يمنته بيبانه

خلآنه نحيا برحمته ** قائد وناصح أمَّته

علآّهه لصروح // والبجي والنوح

*********

دار الحزن من دمعي بعده بنيته

والعمر ماكفي الدمع لبجيته

شلون عنّي يغيب من حبّيه

وشولون مَيمُرأعله بنته وبيته

يارحمة الله الواسعه ** لعيون تبقه دامع

تخليني وتروح // والبجي والنوح

*********

لاشمس طلعت لاكمرضوَّه سماه

أيات قرآن الله صاحت ويلآه

خالي مكانه والكَلب ما ينساه

ماريده عمري وأحسب شوكت ألكّاه

من غيره ماريد العمر ** للموت أبقه أنتظر

الكَلب مذبوح // والبجي والنوح

*********

صبَّت عليَّه مصايب حملت آلآم

كَابلت حزني اليبجي ليالي وأيام

مارعوا حرمت غيبته هالاظلآّم

من عيني باكوا حتَّه ليل الاحلآم

حسبوا عَلَي حتَّه الدمع ** ظلآّم كسروا الضلع

ويسجّل اللوح // والبجي والنوح

*********

عضم الله لك الاجر

اللهم صلي على محمد وءآل محمد
السلام على فاطمة الزهراء
ممنون لكم وفيضكم المبارك وحروفه العذبه
ممنون من القلب
شكرا مع الود
شكرا // ممنون