ثورة ورد. للسيد محمد باقر الصدر(قدس سره)

يا اول صـــــــــدر مثلت دور حسين
يا وجهه الحقـــــــــيقة اوالد الفكرة

جنت صورة المحمد يا مــــحمد ذاك
جنت الواحد انت اليشـــــــمل الكثرة

من ضلمة الاشد وبلا نهــــار انعيش
وبس انت بصفـــحتك جانت الكمرة

امس ظالم وكتنه وغيـــــــبك مولاي
بالكت عود باجر ينصـــــــــلح امره

يا عالم وصل بالفكرة لبــــــــعد ناس
ويا حسرة اشبـــعد جيرانه عن فكرة

يالمايك عذب ليش انتــــهى بهل حال
تبده اكبال ناس بعـــــــــــازة الكطرة

الغلــــــط بيمن ياسيد بالكلب بالعــــين
منــــو الماشاف نورك خـــــاطر انعذره

جنت صورة وجرس ماضل عذر للناس
الفـــــجر ينـــــــشاف مره وينسمع مرة

جنت ثورة ورد وحنه بوكتهه انعــيش
بين. اشواك خوف وقسوت الصـحرة

صرت لال الصدر راية ونفــــس للدين
محمد باقر اسمك كلشي بــــــــــي ثورة

مصطفى المياحي