قصيدة ( ثورة شهيد ) مساندة مظاهرات الجمعة 15 /7 /2016 بقلم الشاعرة ام رائد الكعبي

بدت ساعة الأنتفاضة واعلنت ثورة دماء
يله يا شعب العراق نثور ضد الطلقاء
الفساد انتشر بينه وهدم اركان البناء
الفاسد بقصره ينام وأحنة مكتوب العناء
لازم النازح ينام بخيمة وبلاية غطاء
ولا تگله الناس فقرة يجاوبك يا فقراء
خلي اخذ حقي واطلع وغيري يتولى البلاء
والوطن مو ملك ابوهم تقاسمو حتى الدواء
ويطلع يگلك مجاهد اني وملبي النداء
وشوف كل عاشور ازورن كربلاء
واذا ما تدري اطبر وخدمت موكب عزاء
بعد ما تعبر علينة ولا نصدگكم بعد
تريد باسماء الامامة تبقى تنهب هالبلد
هاي ثق ثور شهيد و تنتصر والكل شهد
دم ولدنا والجراح الثارت على الي فسد
نشلع اركان الخيانة نحرر الدم والولد
الصدر قائد للنهاية والشعب لا ما گعد
وكل سياسي يشوف روحه ان من جد وجد
وكلهم يحصدونة باچر الزرع باطل هم حصد
والمحاكم والقضاء نقيمها باشرف عمد
احنة ويانة صدرنه وانتو ويا كم عبد
والنصر قيد الرجال العاهدت بأشرف عهد

أحسنتم شاعرتنا وشكرا على تكثيف الجهد خدمة للثورة وقائدها

احسنتم اختي الفاضلة اعزكم الله

قصيدة رائعة وجميلة صيغت من قلب عرف معنى الحزن والاسى اعزك الله اختي

ثورة شعبنا هي من ستدفع الفاسدين بهمة السيد القائد احسنتم احسنتم قصيدة رائعة جدا