جديد للشاعر الحسيني سعد محسن جايان

خويه ياعباس عطاشه الكل يندبونك حيدرنه سماك يساقي الغيرة بعيونك
جفك منبع الماي بالطف انت رجواي
هل ينطرونك

***************
يراعي الزود يمخوف المنايه
يسيف المرتضى وبالشمس راية
ادري من تهد تبيد السرايه
شخصك يجيدوم اهلهه وهم يعرفونك متهمك اعداد يغالي ومايهزونك
طفي جمر الزغار عاين هل غدو نار
هل ينطرونك

************************

اكصد للنهر وارسم عجايب
هويتك كافل وفخر الاطايب
خفف علحرم هاي المصايب
الشمر ناداك ولكن مايغيرونك يناصر الدين عظيم ومايبعدونك
اسكَي كل الاطفال نشف دمع العيال
هل ينطرونك

يشبل الحيد يمكرب اجلهم
سيفك لو عله ينزل علمهم
مثل الزلزله يشتت امرهم
شمعه انت ياخوي منار ومايطفونك يشايل لواي زلمهم مايوكفونك
ضيغم ترهب الناس اسمك هوه عباس
هل ينطرونك

**********************

يخالط دمك الطاهر حنينك
اعرف طاعتك هاي ويقينك
ليث وهل الخيم صارت عرينك
زينب يعباس امانه توسط جفونك اختك ينوماس مترضى تسافر بدونك
اهجم ونشر الواك ارجع والماي وياك
هل ينطرونك

*********************
الخادم
سعد محسن جايان
3/9/2016م
1ذي الحجة 1437