هل انتجت مرجعية شهيد الله الصدر المقدس، مراجع تقليد؟

يمكن القول وبمعنى من المعاني، ما قد يصلح جواب لهذا التساؤل:

اولاً: إن العلة التامة لكي تتحقق لابد أن يتوفر لها: المقتضي، والشرط، وارتفاع المانع.
وعلى سبيل المثال: ان الرؤية البصرية تحتاج إلى وجود المقتضي المتمثل بالعين، ووجود الشرط المتمثل بالضوء، وعدم وجود المانع، أي لا يوجد شيء يقع حاجباً بين العين والشيء الذي تريد رؤيته…
ومن المؤكد ان السيد الشهيد(قدس) قد تميز بمؤهلات علمية وعملية فريدة هائلة، أثبت الواقع، بأنه(قدس): سيد المراجع، وأعلمهم، وأتقاهم، وأفضلهم، وأحرصهم على الدين ومنهج أمير المؤمنين(عليه السلام)...
وكذلك طلبة السيد الشهيد(قدس)، فقد كانت طائفة منهم على قدر عالي من الشعور بالمسؤولية والذكاء والفطنة والإخلاص والقابلية العالية على تقبل المعارف والعلوم ...
وعليه فإن مسألة تخرج مجموعة من المراجع على يد السيد الشهيد، وفي زمن حياته(قدس)، لم يكن أمرا عسيرا سيما لو التفتنا إلى ان السيد الشهيد(قدس)، قد قلص أيام العطل في الحوزة العلمية بشكل كبير مما أدى الى زيادة معدل أيام الدروس، وحتى يومي الخميس والجمعة استثمرها بإعطاء دروس في تفسير القرآن، ومحاضرات حول ثورة الإمام الحسين عليه السلام، واشترط على الطلبـة الجدد توقيع تعهد بعدم التدخل في السياسة والتي من ثمارها التفرغ التام للدراسة وتحصيل العلوم، ونصح الطلبة بتنظيم ايامهم متعاملا معهم بمستوى واحد من حيث التقـدير والإحترام من دون فرق بين الطالـب المبتـدئ وطالـب البحـث الخـارج، وقد ساوى بين العراقي والعربي والأعجمي فـي توزيـع الرواتـب...، وقام بتأسيس جامعة الصــدر الدينيــة 1996م، وعين ولده القائد السيد مقتدى الصدر(أعزه الله)، مسؤولاً عليها، وشرع باٌفتتاح مدرسـة الإمـام الصادق(عليه السلام)(الشّبرية)، وأسـكن فيهـا بعـض الطلبـة، ثـم تلاها بعد فترة من الزمن افتتاح عدد من المدارس الاخرى...
ولا يخفى على منصف ان هذا النمط من الإدارة الحوزوية ومن رأس الهرم فيها أي من زعيمها، له دور عظيم في تحفيز الطلبة وزيادة هممهم ...
اذن لماذا لم يتخرج مراجع في زمن السيد الشهيد(قدس):
بالتأكيد إن المانع الذي وقف حائلا بين السيد الشهيد وبين وصول عدد من طلبته إلى رتبة المرجعية في أيام حياته الشريفة، كان قتله(قدس الله نفسه الطاهرة)، من قبل البعث الكافر ومن يقف ورائهم من عملاء الإستكبار العالمي.

ثانياً: من المهم لكل فرد منا أن يعرف دائرة تكليفه، لكي يتحرك على أساسها، وبتعبير آخر يدرك المسؤولية المترتبة عليه لكي يقوم بتأديتها بشكل صحيح، او: يجب أن يهتدي إلى الطريق الصحيح، فسرعة المسير في الطريق الخاطئ لا تزيد الفرد إلا ابتعادا عن الهدف ...
وقد كان شهيد الله الصدر المقدس، مدرك لدائرة تكليفة، وحجم ونوع المسؤولية الملقاة على عاتقه، ولذا تحرك بموجبها، فكانت حركته عبارة عن ثورة إصلاحية شاملة لكل الميادين، انتشلت كلا من: الحوزة، والمجتمع، من واقع الضعف والهوان والاستكانة ...، إلى خيار المقاومة والقوة والمواجهة والنهوض ضد أسباب التخلف والظلم والإنحراف..
وبذلك قدم صورة رائعة للمرجع الذي يقدم نفسه خادما للحوزة والمجتمع من أجل رقيهما وتكاملهما، ومضحيا بنفسه وماله وعياله من أجل المحافظة عليهما ..
قال القائد السيد مقتدى الصدر(اعزه الله): " الحقيقة اللي عاشر السيد الشهيد الثاني يجب ان يتعلم منه نقاط عديدة، خوب علماؤنا الناطقين كانوا بحر، احنه ناخذ قليل منه، مو كلشي ناخذه بجلسة وحدة، بس علمنا ان المرجعية: هي خط ،هي نهج، هي عمل، هي تضحية، وليست شنو؟
مركز، أو مكانه يرتئيها الشخص فيجلس فيها. كان يقول الإجتهاد نور يقذفه في قلب من يشاء حبيبي. لكنه ما صار مرجعا، خوب احنه ندري الحرب اللي جانت ضده من أول يوم والى آخر يوم. ما صار مرجعا الا بكونه قال: انا خادم للحوزة العلمية حبيبي، في أحد دروسه إذا سامعين بيه اللي اتذكره في مقدمة الكفاية، أول درس قال: أنا خادم للحوزة العلمية، حبيبي الآن الكثير ممن يتصدون للمرجعية يريدون أن تكون الحوزة خادمة لهم. لا.
المرجع يجب أن يكون هو خادم للحوزة العلمية، رئيس القوم (الطلبة يجيبون: هو خادمهم) خوب هاي عقلا ونقلا ما منه، فالمرجع رئيس الحوزة احنه نكول رئيس الحوزة، والحوزة رئيسة الجميع يعني.
رئيس الحوزة إذن يكون خادمهم، وهو قال انا خادم للحوزة العلمية، ما كالها كوترة حبيبي لو هيجي حجي وبس، فإذا كان خادما للحوزة العلمية يجب ان يضحي بماله، ودمه، من أجل الحوزة العلمية. وفعلا ضحى بماله، ونفسه، من أجل الحوزة العلمية، ولم يبخل بها ولبس الأكفان ووقف حبيبي.
سُئِل احد المراجع لو صح التعبير انه كالولها، ليش ما تجي اتصلي الجمعة؟
كاللهم اذا اوكف نفس وكفة محمد الصدر يمكن يصير بي سكتة واموت.
هذا حبيبي اللي يستحق أن يكون مرجعا، وإلا جالس في بيته ويريد أن يكون مرجعاً ويقدم المصلحة الشخصية على المصلحة العامة هذا ليس مرجعا، هذا واحد.
والشيء الثاني: أن ينبذ الأنانية، حبيبي ترى الأنانية مو سهلة ان ينبذها الشخص، ان لا يقول انا، يعني ما يشعر، لا يُشعِر الناس بوجوده اطلاقا ها، وكأنما فعلا هو واحد من الحوزة العلمية، واحد من طلاب الحوزة العلمية.
هل رأيت محمد الصدر يتميز بطعام، أو بشراب، أو بملبس، أو بمكان، أو بمجلس؟
يجلس مجلسنا، يأكل مأكلنا، يشرب مشربنا، يلبس لبسنا، كأنما حاله حال جميع الطلاب الموجودين ولا يفرق من هذه الناحية.
الآن لا ، حبيبي الذي يريد يتصدى للمرجعية شوية يخلي كرسيه عالي، يمد يديه للتقبيل يجعل مثلا برانيته أو اللي يستقبل بيها الناس كشخة وما دري شنو وكذا. ليش يابه؟
انه شوية المجتمع تغير كون انا هم اتغير المستوى الاقتصادي شويه صعد للفرد الدخل الاقتصادي صعد مو المستوى الاقتصادي فأنا هم يكون اصعد وياه.
لا حبيبي، المرجع كلما صعد المستوى الاقتصادي يجب انه شنو؟
ينزل، أمير المؤمنين يجلس مع الصعاليك حبيبي، مع اقل الناس، مع افقر الناس، الذي يتشبه بأمير المؤمنين سلام الله عليه، هو مرجعنا والذي يتشبه بكذا هذا مثل اللي مثلا مرجع وهو يركب آخر موديل سيارة لو كذا.
هذا اذا نريد نسويه مرجع يعني كون كل الناس نركبهم سوبرات حبيبي كل الناس انأكله اطيب المأكل، مرجع هو شنو المرجع يعني:
ان نرجع له. اذا وجدت هسه ما طول عليك، اذا وجدت هيجي مرجع انت اتبعه، انا ما كايلك شيء ولا آني مثلا اكلك تعال اتبعني، لأن آني أصلا ما متصدي للمرجعية، لو أقول باجتهاد نفسي لا، لا هذا ولا هذا، ولا أرجع لأحد ها.
السيد الصدر خوب كالك ميخالف وصيته موجوده ان السيد كاظم الحائري هو الأعلم، هذه الوصية نافذة لكنه نريد من يقود الحوزة؟
من يقود الحوزة، خوب السيد هم كال انه لعلكم ترجعون الى شخص وتأتمرون بشخص آخر مو شرط ها. وحتى على سيد كاظم الحائري الله يديم ظله قال انه لا يتسنى. وقد لا يتسنى له الرجوع الى العراق، وانا لله وانا اليه راجعون، هسة يجوز ظرفه يجوز كذا، اني مو اريد اناقشه في رجوعه او عدم رجوعه، لكن نحتاج من يقودنا إلى بر الامان.
الحوزة العلمية صارت حبيبي مدارسها فارغة ها، صارت النجف الأشرف فعلا يعني مدينة قبور لا أكثر ولا أقل.
فأسعوا إلى تكامل أنفسكم دينا ودنيا، حتى نسعى إلى بناء حوزة جديدة، من جدة وجديد حبيبي؛ لأن كلما نبني همة يفلشون، وسبحان الله هم كأنما نسينا قول السيد انه: المرجعية الرسالية.
صار كل واحد يجي يدعي انه مرجع يفلش ويبني.
هاي يفلش ويبني اذا كانت المرجعية اللي قبله شنو؟
باطلة، ساكتة، مدري كذا، من هالصفات اللي بكيفكم شتوصفوها وصفوها.
أما اذا هي مرجعية حقة يكول اني صدري، اني صدري، يفلش اللي بناه محمد الصدر، ويجي يبني فوكاه ليش؟
خوب مو أساس قوي، جا هسه انت بدل ما تفلش كون تبني مرة لخ، أنت وين ماشي امصعد كذا ساف من الطابوك لو صح التعبير ها.
ليش حبيبي محمد الصدر، قدم دمه من أجل الجمعة، تجي تريد اتفلش اللي بناه، ماكو داعي أصلا ماكو داعي اله ها.
صحيح لعله انه نبذ اهل الباطل فصيرله عداوات، هذا كله أمير المؤمنين هم سبحان الله هلك فيك اثنان محب غال ومبغض قال. هذا كل رجل عظيم يصيرله هيجي أمور فعليه تمسك بمن تجده لدينه صائنا حبيبي أول شي وبعدين لدينك صائنا........
الإلتفاف حول الشيخ الفياض ليس على نحو الاجتهاد وإنما على نحو القيادة، وأنا أول يوم رحتله حبيبي ما صار له دم محمد الصدر لعله 12 ساعة ورحتله، وحتى هو بنفسه روح اسأله لعله ما أدري يجاوبك بنعم أو لا ما ادري، كالي ما معناتها هذا ورع منك انت اجيتني ما صارله 24 ساعة محمد الصدر ميت، او والدك ميت.
وعليه انا كتله تعال اجيبلك الخمس، اجيبلك الكذا، مدري شنو رفض.
محمد اليعقوبي هم ابشرك كتله، كعدناه واحنه 15ـ 20 واحد جانوا، حتى منهم الله يرحمه شيخ علي الكعبي وغيره وغيره، وموجودين إلى الان بالسجون وبعضهم موجودين روح اسألهم كتله شيخ تجي تاخذ البراني، كال لا. تجي اتصلي الجمعة. كذا رفض هم ما اريد اكول لفظته اشلون رفض بأي قول المهم.
شلي علاقة آني مرة ركبت تكسي حبيبي ورى استشهاد السيد هيجي بأسبوعين ثلاثة هو ما يدري منو آني كالي صدك ابن السيد يقود الحوزة ورى ابوه؟
مدري ابجي مدري اضحك إذا هو مقتدى يجي يقود الحوزة، لعد المراجع وين صاروا حبيبي؟
آني مو ذنبي، آني اذا مراجع ما يقودون الحوزة اني شنو ذنبي؟
يعني إذا ماكو مرجع اكعد واسكت؟
لو أحاول أن أصلح كآمر بالمعروف وناهي عن المنكر، ذاك اليوم قبل 3ـ 4 أيام واحد هم من جماعة شيخ محمد يجي يدعوني للتوبة وتعال طبق قول الحاكم الشرعي مدري شنو!
كتله حبيبي اني شنو كاعد بالبيت جاي استقبل ضيوفي، إذن حاكم شرعي هم للضيوف يراد هم تعال خل اخذلك اذن حتى استقبل ضيوف لو ما استقبل ضيوف؟
شعدك وياي طالبني بطلابة، اني كاعد اهنانه آمر بالمعروف، أحجيلي احجايتين تعتبرها خرط عوفه لا تاخذ بيه، تعتبره خوش اخذها وروح، في امان الله، في امان الله، ويفوتك من الجذاب صدك كثير.
.....حبيبي كل اللي يدعون هم اكلك مو طعنا بيهم، لا شيخ قاسم ولا شيخ محمد ولا الصرخي، ما مكملين ربع دورة عد السيد فقهية أو أصولية، ربع دورة مكمل ويريد يصيرلي مجتهد، ترى هاي بدل عقلك يرادلها ـ اقلها يكمله دورة فقهية وحدة ...
...مدرسة محمد الصدر ما كملت. حبيبي ربع دورة كمل.....".

اذن مما سبق تبين لنا:
1. ان السبب الذي كان وراء عدم تخرج مراجع من طلبة آية الله العظمى الشهيد السيد محمد الصدر(قدس)، في زمن حياته الشريفة، هو مقتل شهيد الله الصدر(قدس).
2.ان شهيد الله الصدر المقدس، قد أنيط به دور عظيم تمثل في حمل أعباء رسالة إنسانية نبيلة، جاهد في أدائها على أكمل وجه.
3.هنالك دور عظيم بعد شهادة الصدر المقدس، تحمل أعبائه مصلح بعنوان القيادة كطالوت عليه السلام، وهذا الدور تكفل به القائد السيد مقتدى الصدر(اعزه ألله)...

المصدر:
لقاء طلبة حوزة مدرسة السيد الشهيد الاول السيد محمد باقر الصدر(قدس سره الشريف)، مع سماحة حجة الاسلام والمسلمين القائد السيد مقتدى الصدر(أعزه الله)، في: 7/جمادى أول/ 1426هـ ـ 13/6/2005م