قصيده بمناسبة استشها الرسول محمد (ص) الشاعرجابر النجفي

بسم الله الرحمن الرحيم
اللهم صل على محمد وال محمد وعجل فرجهم والعن عدوهم

أجينه اليوم == حزن وأهموم == نعزي المرتضه حيدر
ــــــــــــــــــــ
نعزي حيدره الكرار والعتره
ابفكدك يبو القاسم يبو الزهره
نعزي فاطمه وبحركه وبعبره
نعزي المجتبه وأحسين والحره
ننادي أبصوت == يملك الموت == عيف المصطفه الأطهر
ـــــــــــــــ
نعزي شيعة الكرار بمصابك
نعزي أمة الاسلام بالنابك
يبو القاسم لفت باب الحقد بابك
بعد عينك حقدهم لاح ما هابك
هذيج النار == شعلهه أشرار == بكت بكلوبنه تسعر
ــــــــــــــــ
نسو أمره العله أبعرشه أله الكون
من نصب علي الوالي يصير أيكون
وصيتك ما رعوهه للولي أينكرون
خذو حكه أو غدو عالباطل أيسيرون
علي المقدام == صبر ما كام == ما سل سيفه أو دمر
ـــــــــــــــــ
فدك من فاطمه أخذوهه طمع بيهم
نكرو بيعة الكرار واليهم
نسو ما كال طه أو راد هاديهم
من يوم السقيفه الصار ماضيهم
أساس الجور == زمن وأدهور == ظلم وأحقاد تتكرر
ـــــــــــــــ
من كسر الضلع بالباب والأحزان
بكت تنزل على بيتك يعالي الشان
نفسهم رضو أضلوع السبط عطشان
نفسهم سمو أولادك ظلمهم بان
ألم وأمصاب == ظلم وأرهاب == على الشيعه حقد يكبر