يسيدنه ويمرجعنه

يمرجعنه ويقائدنه ويحامينه*** يوالينه
صوتك باقي ويبقى يداوينه*** يوالينه
يـسيـدنـه****** ويوالينه
@@@@@
بحظنك ياصـدر احنـه تـربـيـنـه
ذبنه احنه بمحبتك ونته تدرينـــه
ولـدك ياصـدر كلنـه تسمـيـنــــه
نسويهه جمر لـو عالو اعلينـــــه
يحادينــه****** ويوالينه
@@@@@
تبقــــه جمعتك والهســـه معمـوره
بزود ابن الصدر اي والله منصوره
واضح هالطريق وكامله الصـــوره
ضل درب الصدر يضوي ويشع نوره
يـدلينــه****** يوالينه
@@@@@
لحد يوم الحشر تبقه انته مرجعنه
ويـبقــه يـاصــدر مقتدى قائـدنــه
شـدينـه العــزم لا مـا تــراجعنــه
وي ابن الصدر خظنه انتفاظتنـــه
يوالدنــه***** ويوالينه
@@@@@
بسم المنتظر صفينه كلنه اصفوف
جيشك ياصدر لا مايعرف الخوف
وقعنـه بدمانـه وابـــد لا مـنعــوف
والماجـربانه خـل يجي ويشــــوف
تحدينــه****** يوالينه
@@@@@
الشاعر الحسيني
ابو فزع الحلفي

احسنت شاعرنا المبدع
ابو فزع العزيز
قصيدة جميلة بارك الله بك

اللهم صل على محمد وال محمد وعجل فرجهم والعن عدوهم
جزاك الله خيرا على المجهود المبارك
قصيدة رائعة بروعة ابداعك

بارك الله فيك اخي على هذه القصيده الجميله

اللهم يحفظكم بحق محمد وال محمد